新聞類別
港聞
詳情#
【蘋果日報】「街邊太多人與車，繁華鬧市人醉夜……」在《彌敦道》毗鄰的西洋菜南街，每逢假日夜夜笙歌，居民到底是享受抑或受苦？有在西洋菜南街住了15年的居民表示，旺角行人專用區已變質，批評「新嚟個啲（表演者）好多都唔係表演，係收錢，純粹喺度呃飲呃食」；有街坊被迫早出晚歸，逢假日「逃離家園」避開噪音。不過，他亦認為只要縮短開放時間至傍晚前，表演者可表演，商戶可做生意，居民也有時間休息。
李先生2003年搬入西洋菜南街，旺角在2000年設行人專用區，他稱初時「條街靜英英」，隔兩年才有人表演，惟當時最擾人卻是電訊商攤位，「你未見過啲旗海，兩邊都係，成六間擺晒喺度」。近10年則變為飽受表演噪音煎熬，「以前仲有CD舖嗰陣，同佢哋鬥大聲，如果嗰時你哋嚟到，300（分貝）度都到」。
記者周日在其家中以分貝計量度，打開窗門錄逾80分貝，關窗有近70分貝。根據科學研究所得，連續八小時處身聲級達85分貝的噪音環境，極可能損害聽覺。李先生平日大多關窗，面對噪音也無辦法，「惟有忍，一係叫佢收細聲啲，冇得鬧，佢播音樂播歌又冇人反對」。
斥表演者似做生意
他續指，「好多人都係好早瞓，有啲老人家真係8點就瞓，但你開到10點」。他說有鄰居索性「晨咁早就出咗門口，夜晚11點後返嚟。（有冇同你反映好陰功）冇得陰功，喺度住就要忍受」。他提到表演最「墟冚」時阻礙居民出入，「行去街口要成五、七分鐘（平時行幾耐）行嗰30米要幾耐？」
不過，他認為現時行人專用區已變質，「街頭表演我哋唔介意，但變咗質囉，好似做生意」，表演者收入可觀，「係你哋睇唔出，四個星期（收入）可以萬（元）做單位」。對於近年有大媽組歌舞團表演，李太則認為，「係有色情成份，你睇佢語言呀、身體點同嗰啲人講嘢，同真正表演係兩樣嘢」，又指「依家新嚟嗰啲（表演者）好多都唔係表演，係收錢，純粹喺度呃飲呃食」。
至於油尖旺區議會討論是否撤銷行人專用區，李先生認為撤銷「只係過冷河，考慮吓點處理」，是一件好事，並指「以前有大笪地、有廟街，依家得番呢條街真係有街頭表演」。他稱，理解有部份商戶不想取消行人專用區，但認為只要縮短開放時間至下午4、5時，「（市民）仲可以行街，表演者可以有時間表演，咁樣就大家雙贏」。
■記者張文鈴
李先生2003年搬入西洋菜南街，旺角在2000年設行人專用區，他稱初時「條街靜英英」，隔兩年才有人表演，惟當時最擾人卻是電訊商攤位，「你未見過啲旗海，兩邊都係，成六間擺晒喺度」。近10年則變為飽受表演噪音煎熬，「以前仲有CD舖嗰陣，同佢哋鬥大聲，如果嗰時你哋嚟到，300（分貝）度都到」。
記者周日在其家中以分貝計量度，打開窗門錄逾80分貝，關窗有近70分貝。根據科學研究所得，連續八小時處身聲級達85分貝的噪音環境，極可能損害聽覺。李先生平日大多關窗，面對噪音也無辦法，「惟有忍，一係叫佢收細聲啲，冇得鬧，佢播音樂播歌又冇人反對」。
斥表演者似做生意
他續指，「好多人都係好早瞓，有啲老人家真係8點就瞓，但你開到10點」。他說有鄰居索性「晨咁早就出咗門口，夜晚11點後返嚟。（有冇同你反映好陰功）冇得陰功，喺度住就要忍受」。他提到表演最「墟冚」時阻礙居民出入，「行去街口要成五、七分鐘（平時行幾耐）行嗰30米要幾耐？」
不過，他認為現時行人專用區已變質，「街頭表演我哋唔介意，但變咗質囉，好似做生意」，表演者收入可觀，「係你哋睇唔出，四個星期（收入）可以萬（元）做單位」。對於近年有大媽組歌舞團表演，李太則認為，「係有色情成份，你睇佢語言呀、身體點同嗰啲人講嘢，同真正表演係兩樣嘢」，又指「依家新嚟嗰啲（表演者）好多都唔係表演，係收錢，純粹喺度呃飲呃食」。
至於油尖旺區議會討論是否撤銷行人專用區，李先生認為撤銷「只係過冷河，考慮吓點處理」，是一件好事，並指「以前有大笪地、有廟街，依家得番呢條街真係有街頭表演」。他稱，理解有部份商戶不想取消行人專用區，但認為只要縮短開放時間至下午4、5時，「（市民）仲可以行街，表演者可以有時間表演，咁樣就大家雙贏」。
■記者張文鈴
回應 (0)
