吳肇軒見曾華倩心跳

【蘋果日報】曾華倩、朱慧敏和樂瞳前晚於大埔的亞視總台錄影節目《今晚見》，這集邀請了胡卓希、林家熙、胡子彤及吳肇軒四位小鮮肉做嘉賓。曾華倩日前被指面癱，惹中風疑雲，她前晚澄清：「嗰日感冒，我啪咗藥，年紀大到咗更年期，體力真係負荷唔到，咁多年第一次係咁，不過冇事。返屋企沖咗熱水涼，瞓咗兩日，依家變番精靈BB。」
對於「翻版梁朝偉」吳肇軒，曾華倩說：「劉嘉玲話佢似初出道嘅梁朝偉，我都好奇，想睇吓佢似唔似我初戀情人。遠睇些少似，不過我都係覺得梁朝偉正啲。」兩人應記者要求合照，胡子彤卻叫「咀嘴」，曾華倩反問：「邊個叫咀嘴？你出嚟同佢咀先。」吳肇軒坦言對着曾華倩有心跳感覺，他自爆早前在台灣拍戲遇到梁朝偉：「佢個氣場好犀利，我差啲暈低。」
採訪：盧妹
攝影：林賓尼