新聞類別
娛樂
詳情#
【蘋果日報】劉德華監製、黃國強（KK）執導的美國福斯傳媒集團（Fox Networks Group）廣東話原創劇集《東方華爾街》，將於今晚在衛視電影台首播。昨日華仔聯同導演黃國強及演員吳鎮宇、張孝全、張可頤、廖啟智和蔡潔等，出席在圓方舉行的全球發佈會。發佈會上播放的預告片中，台灣女星桂綸鎂亦有客串，但因身在外地拍劇未能出席。
金融犧牲者
華仔表示今次與前港視導演黃國強合作有一段故事：「幾年前有一個電視台集合咗一班熱血製作人，因為發唔到免費牌照，令佢哋出街坐咗一日，表達自己嘅訴求，嗰刻識咗佢哋，一直等機會可以合作，終於等到今次。」其後華仔、黃國強和福斯傳媒集團高級副總裁嚴嘉念受訪，華仔說：「嗰陣我都有拍咗段短片支持佢哋，之後KK喺我公司踎咗半年，佢哋都係金融風暴嘅犧牲者，所以就攞咗呢個題材嚟做資料搜集。」問華仔有否穿針引線合作？他說：「我間公司都有份嘅，做嗰陣唔會因為自己係劉德華而一拍即合，都要跟足程序去做，將五集故事寫晒出嚟，投資用幾多錢、有乜卡士，全部都要列晒出嚟。」
後期一齊做
問黃國強會否開拍續集？他說：「桂綸鎂係一個伏線，佢會喺下一個season裏面嘅其中一個大人物。」華仔笑稱自己是下一輯的伏線，還說：「初初嗰陣有啲內疚，因為簽約要開拍嗰陣，我墮馬受傷，所以大隊去馬來西亞拍外景，我唔可以跟去，前期嘅工作佢哋都比較辛苦，直至後期剪接、做CG，我可以坐喺度幫手一齊做。」華仔坦言整體上都達到自己的要求：「其實嗰五集都會好緊湊，因為五集講咗二十年嘅金融風暴，所以平均一集講四年嘅嘢，大家千祈唔好miss。」
採訪：馬建華
攝影：陳慧安
金融犧牲者
華仔表示今次與前港視導演黃國強合作有一段故事：「幾年前有一個電視台集合咗一班熱血製作人，因為發唔到免費牌照，令佢哋出街坐咗一日，表達自己嘅訴求，嗰刻識咗佢哋，一直等機會可以合作，終於等到今次。」其後華仔、黃國強和福斯傳媒集團高級副總裁嚴嘉念受訪，華仔說：「嗰陣我都有拍咗段短片支持佢哋，之後KK喺我公司踎咗半年，佢哋都係金融風暴嘅犧牲者，所以就攞咗呢個題材嚟做資料搜集。」問華仔有否穿針引線合作？他說：「我間公司都有份嘅，做嗰陣唔會因為自己係劉德華而一拍即合，都要跟足程序去做，將五集故事寫晒出嚟，投資用幾多錢、有乜卡士，全部都要列晒出嚟。」
後期一齊做
問黃國強會否開拍續集？他說：「桂綸鎂係一個伏線，佢會喺下一個season裏面嘅其中一個大人物。」華仔笑稱自己是下一輯的伏線，還說：「初初嗰陣有啲內疚，因為簽約要開拍嗰陣，我墮馬受傷，所以大隊去馬來西亞拍外景，我唔可以跟去，前期嘅工作佢哋都比較辛苦，直至後期剪接、做CG，我可以坐喺度幫手一齊做。」華仔坦言整體上都達到自己的要求：「其實嗰五集都會好緊湊，因為五集講咗二十年嘅金融風暴，所以平均一集講四年嘅嘢，大家千祈唔好miss。」
採訪：馬建華
攝影：陳慧安
回應 (0)
