爭產案下周審羅啟瑞：「對方集團」騷擾母親

【蘋果日報】鷹君（041）爭產案下周二開審，六子羅啟瑞於新福港（1447）股東會後見傳媒，主動談及四子羅康瑞早前言論令母親不高興，又指「對方集團」騷擾羅老太，「點解呢兩日仲有人去同阿媽講，話匯豐信託唔會畀返啲錢你，行為係多餘、別有用心」。
羅康瑞早前指母親是受人擺佈。羅啟瑞回應說母親希望他澄清羅老太是自願出庭，希望爭回財產，否則甚麼也沒有剩，「唔出錢打官司拎番財產先唔合理」，又批評羅康瑞說話是「人必先自侮，而後人侮之」。
羅康瑞又提到早前羅老太身邊一位工人，因對整件事看不過眼而錄音，並成為對方證人。羅啟瑞回應指，大家聽到「工人」隨即聯想到穿白衫黑褲、感情深厚的傭人，惟是次菲籍傭人只服務了十多年，不懂中文，平時連家中各人對話亦聽不懂，反問她又怎會「有嘢睇唔過眼」。
敦促兄姐回頭是岸
羅啟瑞重申，羅老太絕對是按個人思考行事，「阿媽呢件事搞咗兩年，接觸過嘅律師多到數唔到，咁多專業人士目睹，唔係佢自己意思係邊個呢？邊個可以逼到佢呢？」
他又主動提及，母親節前一日擔心羅老太「會悶、會亂諗嘢」，於是約母親吃飯，惟羅老太堅持不用，獨留在酒店房，羅啟瑞反問「你估佢等咩呢，佢好錫嘅仔女同子孫去咗邊度呢？」他指家庭糾紛可先放一邊，「有啲嘢要做都應該做」，說話期間，羅啟瑞一度哽咽，敦促兄姐回頭是岸。
爭產案將於下周二開審，羅啟瑞指自己「不論成敗、只顧對錯」，和解已不太可行，呼籲家族下一代，「攞枝筆詳細寫今次件事出嚟，慢慢睇清楚」，清楚且糾正事件，幫手調解。