陳百祥：高球場建屋致17萬人失業

【蘋果日報】粉嶺高爾夫球場應否用作建屋爭議不斷，公民黨陳淑莊及藝人兼職業高爾夫球協會名譽會長陳百祥在港台節目激辯。陳百祥質疑銀行家出身的土地供應專責小組主席黃遠輝不懂土地問題，建議在高球場建屋是荒謬又「儍嘅」，稱失去高球場將導致17萬人失業，被陳淑莊追問數據從何而來時，他最初稱「識幾萬個打高爾夫球嘅朋友」，最後始承認數據來自香港高爾夫大聯盟。
質疑黃遠輝唔識土地
港台節目《視點31》邀陳淑莊及陳百祥討論高球場建屋，陳百祥不明白土地供應專責小組為何將高球場列入土地供應選項，「揸fit嗰個叫黃遠輝，佢做banker（銀行家），識炒股票同睇外匯喇嘛，佢邊度識土地呢？」
陳百祥認為利用高球場土地建屋是荒謬、無聊，「係儍嘅」。他建議先填海、發展大嶼山或貨櫃碼頭，但指使用部份高球場建屋非不可行，「拎少少出嚟（建屋）絕對唔介意，但最好唔郁，我哋幾多小學生學緊波，仲有17萬從業員，嗰啲人咪會失業」。
陳淑莊認同先撥出高球場32公頃地建屋，可將已關閉堆填區改作高球場。她質疑17萬從業員從何而來，陳百祥最初稱「識幾萬個打高爾夫球嘅朋友」，再指「我識嘅都超過500個教練，連埋買賣高球用品，一定有呢啲人搵緊食」。再被追問下始承認數據來自香港高爾夫大聯盟，陳淑莊指數據太多「水份」，亦無親身查證。
陳百祥又指美國因有人反對發展，不少人要睡在街頭，「你嚟得香港住，你就應該接受高地價……美國人都係瞓街，香港都只係要你住啲細啲嘅房，我由細到大都係瞓呢啲，冇問題喎！」他批評港府事事諮詢公眾，應如同新加坡般行政主導覓地。
黃遠輝回覆本報指不便回應陳百祥意見。黃退休前曾任工銀亞洲董事兼副總經理，其後出任多項公職，包括現時為房委會資助房屋小組委員會主席，曾任城規會副主席、房屋協會成員及長策會成員等。
■記者鍾雅宜