網民憑痣認人AKB舊將疑下海拍素人AV

【蘋果日報】日本女子組合AKB48嘅27歲前成員渡邊茉莉繪，近日被發現疑似成為剛上架嘅AV作品女主角，無論身上嘅痣、耳窿同埋水晶甲圖案都十分相似，有估計渡邊茉莉繪下海接拍素人片。
據報指，疑似渡邊茉莉繪演出嘅作品報稱係個任職店員，雖然冇公開年齡，不過從穿著嘅花瓣連身裙、談話語調，推測年齡應該係20多歲，而面對拍攝鏡頭都略顯緊張。其實渡邊茉莉繪加入AKB嘅時間只得幾個月，退團後以模特兒身份發展，在圈中發展並不順利。
當地報章《東京Sports》向AV商求證，不過發言人只答：「關於演出者的情報實在無可奉告。」業界人士指兩年前曾登《紅白歌唱大賽》嘅人氣聲優，都被爆曾拍過素人AV，雖然當事人否定，但好多網友都比對比兩者身上好多共通點，輪到今次呢位疑似渡邊茉莉繪同樣引起網民討論，相信好快證實渡邊茉莉繪係咪已下海拍AV。