Toby約姊妹出海紋身小鮮肉做跟得男友

【蘋果日報】梁靖琪(Toby)離婚4年，最近戀上有米紋身男Jon。Jon比Toby年輕8年，但兩人好夾，鬼聲鬼氣，都係鍾意戶外活動，行山、游水乜都啱玩。
最難得嘅係，Jon完全融入到Toby班friend之中，前日Toby約埋幾位姊妹鍾麗淇同鄧穎芝及幾位圈外朋友一齊遊船河，Jon都有出席。5月22日係鄧穎芝嘅33歲生日，佢喺ig story貼出大合照，寫住﹕「美好的一天！天氣晴朗，多謝每一位送畀我嘅驚喜生日蛋糕。之後再貼出與Toby嘅全身泳裝照，Toby擁有黝黑嘅結實肌膚，鄧穎芝留言﹕「佢(Toby)真係黑過我...有相為證，哈哈哈。」
而Toby都有上載咗一張錫契女嘅相，而呢位契女就係鍾麗淇嘅兩歲大細女Michela，鍾麗淇雖然己有兩個小朋友，但向來係瑜伽高手嘅佢，身材一樣fit到爆，大晒腹肌。