點評羅家「王儲」長子被貶　嫡孫受罪

【蘋果日報】羅嘉瑞8年前將兒子羅俊謙引入鷹君，並於2015年升任為執董，是鷹君董事局內唯一的第三代，似乎準備接班。羅俊謙曾於美國聖路易斯華盛頓大學讀心理，畢業後於花旗工作，後返回家族公司。羅老太說：「呢個孫未有生意經驗，佢細個去咗美國，主要講英文……冇想過佢接手鷹君。」
「二子三子都好叻」
她又評價每個「王儲」，「（長子羅孔瑞）呢個冇其他仔咁落力，得把口！後生時做建築，賺兩千蚊已經開心死。佢三十多歲……之後無了。（羅孔瑞曾是第一接班人，但早年被廉署起訴行賄，後被打入冷宮，現仍為鷹君董事）」她心痛說：「孔瑞個仔（羅俊昶），呢個真正長子嫡孫，喺鷹君俾人襟到……低到低，好慘！因為老竇無權，做極都好低，俾羅嘉瑞調左去美國。」她補充：「呢個老實鬼嚟嘅！」
羅老太續稱：「二子羅旭瑞（富豪酒店、世紀城市及百利保主席），叻，好勤力，無偷懶。三子羅嘉瑞一樣叻，但依家變左。佢驚我收回信託嘅錢，會俾其他兄弟『鬼』晒！四子羅康瑞（瑞安集團主席），我無理佢，依家歸左佢地（羅嘉瑞）。佢都好孝順，家庭唔會亂使，習慣咗。」至於五子羅鷹瑞，「佢係心臟科醫生，特別有錢，同嘉瑞兩個最有錢！孻仔羅啟瑞（新福港集團主席）依家就做生意，賺得幾好」。