80年代過度擴張父子擬賣鷹君股權

【蘋果日報】地產市道在80年代因中英談判下滑，鷹君過度擴張現危機，「當時嘉瑞返嚟一兩年，佢主張賣資產，後來直情話賣鷹君股權，我夜晚行過間房，兩仔爺話賣畀新加坡佬，一股三毛錢。咁辛苦捱出嚟，點捨得賣呀？老公最後聽我話冇賣，否則而家瞓街邊啦！」
因股權糾紛反面
父子嫌隙亦源於80年代，當時鷹君同系的百利保和富豪酒店，一年撇賬24億。此時二子旭瑞發難，公司醫生韋理在其協助下，出價9,000萬元購入富豪33.4%股權，羅鷹石為此與羅旭瑞反面。巧合地，引發今次爭產的信託基金，正是在1984年4月、即這場狙擊戰後一個月成立。羅旭瑞「離場」後，鷹君系由羅嘉瑞接手。
本來鷹君這個大家族，群居於山頂金馬麟山道二十二號憩苑大宅。2016年，有賊人避過10支閉路電視鏡頭，爬梯潛入單位爆竊，掠去羅老太一筆價值10萬元首飾及現金。爭產事件爆發後，羅老太搬離大宅，先住在銅鑼灣富豪酒店，現住沙田麗豪酒店。被問到會否搬回大宅家族團聚？「等件事平靜先，搬返去或者另外搵地方住，你估住酒店好舒服呀？」說時老太語調開始低沉，「依家發生呢件事，好激氣，我真係好激氣！」有沒有說話要和嘉瑞說？「冇啦，已經盡啦，冇得傾喇……一個人性格由細教起。叻過你，就冇得教了!」