新聞類別
財經
詳情#
【蘋果日報】叙福樓（1978）今日起招股，最吸睛唔係噚日記招嘅「牛牛」公仔，而係「馬」。講緊嘅，就係叙福樓引入咗港鐵主席馬時亨，以基礎投資者身份入股800萬元。
雖然數目唔太多，但馬時亨同華華講，今次係長期投資，「睇好佢（叙福樓）！」查實馬時亨股票分析員出身，又做過賓架，而且過往投資有道，佢1992年以100萬元投資元氣壽司，後來於2006年賣盤予美心，累計回報高達60倍。
饒宗頤提字清酒贈記者
叙福樓主席黃傑龍就話，兩人識於2011年獲香港十大傑出青年選舉，當年馬時亨係主評審，而佢就係當屆得獎者，就係咁，兩人成為好友。早排聚會時講起公司上市，馬時亨主動話有興趣，所以有入股囉。
其實馬時亨未咁fit之前，有個花名叫「肥馬」，做官時仲會每年招呼記者朋友食全羊宴，就知佢識飲識食慣。馬時亨同華華講，佢真係有幫襯過叙福樓旗下餐廳，好似有牛角、熱血一流、溫野菜。睇嚟馬時亨都幾鍾意食日本菜喎。
黃傑龍話，嚟緊會進軍內地，並已與「牛角」簽訂內地特許經營權。咁睇嚟，馬時亨以後去中國都可以大飽口福。講開又講，叙福樓噚日仲送咗兩支小小嘅清酒畀記者做紀念品，上面印有由黃傑龍爸爸世交、已故國學大師饒宗頤從前親筆提寫「叙福」兩字，好有心思。
李華華
LiWaWa@AppleDaily.com
雖然數目唔太多，但馬時亨同華華講，今次係長期投資，「睇好佢（叙福樓）！」查實馬時亨股票分析員出身，又做過賓架，而且過往投資有道，佢1992年以100萬元投資元氣壽司，後來於2006年賣盤予美心，累計回報高達60倍。
饒宗頤提字清酒贈記者
叙福樓主席黃傑龍就話，兩人識於2011年獲香港十大傑出青年選舉，當年馬時亨係主評審，而佢就係當屆得獎者，就係咁，兩人成為好友。早排聚會時講起公司上市，馬時亨主動話有興趣，所以有入股囉。
其實馬時亨未咁fit之前，有個花名叫「肥馬」，做官時仲會每年招呼記者朋友食全羊宴，就知佢識飲識食慣。馬時亨同華華講，佢真係有幫襯過叙福樓旗下餐廳，好似有牛角、熱血一流、溫野菜。睇嚟馬時亨都幾鍾意食日本菜喎。
黃傑龍話，嚟緊會進軍內地，並已與「牛角」簽訂內地特許經營權。咁睇嚟，馬時亨以後去中國都可以大飽口福。講開又講，叙福樓噚日仲送咗兩支小小嘅清酒畀記者做紀念品，上面印有由黃傑龍爸爸世交、已故國學大師饒宗頤從前親筆提寫「叙福」兩字，好有心思。
李華華
LiWaWa@AppleDaily.com
回應 (0)
