新聞類別
港聞
詳情#
【蘋果日報】世上沒有無緣無故的愛，但黃敏芝（Stephanie）說她的養母是個例外。年屆40的Stephanie，去年10月才在親戚口中得知自己並非父母親生，養父母把秘密守了40載，方法就是待她如親生女般愛錫。她說得知真相後，「反而令我好內疚，點解之前咁唔聽話」，一對無血緣關係的母女，反而因真相走得更近。
記者：梁銘恩
原名羅佩慧的Stephanie，出生幾日後，親生父母接過一封900元利是，便把她賣走。改名換姓，Stephanie一生命運從此改寫，「原本我係排行第九，對上有個哥哥，但依家我就最大，有兩個細佬」。「錢畀咗就無拖無欠」，Stephanie早在母親腹中時已注定被送走，向養父母求證時，故事娓娓道來，原來養母當時結婚多年仍無所出，在父家壓力下決定領養。透過鄰居牽線，兩個互不相識的家庭完成了一宗交易。
尋足迹 想跟生母說謝謝
「媽咪想否認，佢第一個反應係話淨係欠我懷胎9個月」。Stephanie說真相的確解開了她多年來的疑問，「自細就冇人話過我似爹哋媽咪」，與雙親亦有種莫名的疏離感，「一直以為自己男仔頭，所以同媽咪唔close，見到人哋母女講好多心事，但我就通常乜都自己搞掂，其實我唔係唔愛佢，但嗰種感覺唔識形容」。沒有因由的愛來得彌足珍貴，現時和家人關係好轉，「其實媽咪好嬲點解我會知，佢好驚我走，因為佢真係當我係親生女，覺得佢好偉大」，縱使在潮州人家庭重男輕女的傳統下，Stephanie仍是萬千寵愛。
Stephanie的身世慢慢從老一輩口中如拼圖般重新湊合起來。她堅決要尋親，「我覺得自己可憐，唔係因為我係棄嬰，而係唔可以知道自己嘅古仔」。她努力尋找往日足迹，其親生家庭曾居住在觀塘徙置區，生母於裕民坊天然酒樓任職點心員，她則出生於觀塘留產所，現已易名為觀塘賽馬會健康院。雖然人去樓空，但單是凝望建築物的外貌已能牽動她情緒，「我之前好少嚟觀塘，冇諗過呢個地方同自己咁有淵源」。
最終能否圓夢，Stephanie說會尊重親生家庭意願，「如果佢哋唔肯見我，可唔可以畀張相我睇呢？我想睇吓佢哋乜樣」。
談到見面最想和親父母說的話，Stephanie說「希望同佢哋講『我好好呀，多謝你畀咗生命我』，（會唔會怪佢哋？）當年社會環境逼佢一定要放棄我，其實佢哋都冇錯」。適逢母親節，被問到生命中兩位媽媽誰較重要，Stephanie思考後回答，「始終陪住我長大嘅係養父養母」，對子女而言，陪伴和關心比任何事都來得重要。
尋親網址：http://www.look4mama.com
電郵：info@look4mama.com
熱線：93320424
記者：梁銘恩
原名羅佩慧的Stephanie，出生幾日後，親生父母接過一封900元利是，便把她賣走。改名換姓，Stephanie一生命運從此改寫，「原本我係排行第九，對上有個哥哥，但依家我就最大，有兩個細佬」。「錢畀咗就無拖無欠」，Stephanie早在母親腹中時已注定被送走，向養父母求證時，故事娓娓道來，原來養母當時結婚多年仍無所出，在父家壓力下決定領養。透過鄰居牽線，兩個互不相識的家庭完成了一宗交易。
尋足迹 想跟生母說謝謝
「媽咪想否認，佢第一個反應係話淨係欠我懷胎9個月」。Stephanie說真相的確解開了她多年來的疑問，「自細就冇人話過我似爹哋媽咪」，與雙親亦有種莫名的疏離感，「一直以為自己男仔頭，所以同媽咪唔close，見到人哋母女講好多心事，但我就通常乜都自己搞掂，其實我唔係唔愛佢，但嗰種感覺唔識形容」。沒有因由的愛來得彌足珍貴，現時和家人關係好轉，「其實媽咪好嬲點解我會知，佢好驚我走，因為佢真係當我係親生女，覺得佢好偉大」，縱使在潮州人家庭重男輕女的傳統下，Stephanie仍是萬千寵愛。
Stephanie的身世慢慢從老一輩口中如拼圖般重新湊合起來。她堅決要尋親，「我覺得自己可憐，唔係因為我係棄嬰，而係唔可以知道自己嘅古仔」。她努力尋找往日足迹，其親生家庭曾居住在觀塘徙置區，生母於裕民坊天然酒樓任職點心員，她則出生於觀塘留產所，現已易名為觀塘賽馬會健康院。雖然人去樓空，但單是凝望建築物的外貌已能牽動她情緒，「我之前好少嚟觀塘，冇諗過呢個地方同自己咁有淵源」。
最終能否圓夢，Stephanie說會尊重親生家庭意願，「如果佢哋唔肯見我，可唔可以畀張相我睇呢？我想睇吓佢哋乜樣」。
談到見面最想和親父母說的話，Stephanie說「希望同佢哋講『我好好呀，多謝你畀咗生命我』，（會唔會怪佢哋？）當年社會環境逼佢一定要放棄我，其實佢哋都冇錯」。適逢母親節，被問到生命中兩位媽媽誰較重要，Stephanie思考後回答，「始終陪住我長大嘅係養父養母」，對子女而言，陪伴和關心比任何事都來得重要。
尋親網址：http://www.look4mama.com
電郵：info@look4mama.com
熱線：93320424
回應 (0)
