有女街坊失十件胸圍底褲

【蘋果日報】有街坊話喺東興大樓偷內衣嘅賊人好重口味，連阿婆底褲都唔放過，搞到女居民心慌慌，希望警方能盡快破案。住咗上址近年嘅王小姐坦言唔見衫褲情況嚴重。「好多唔見咗呀！最初以為俾風吹走，胸圍底褲為主，唔見咗十件都有！」她後來得悉鄰居也有同類情況，所以佢同唔少鄰居都唔敢再將底衫褲掛喺走廊。
常路經嘅少女對事件都覺得驚訝。少女Gina認為「警方應該要拉佢，因為偷底褲好變態、好古怪，都唔知佢偷嚟做乜」她又覺得要報警，因為底褲賊「可能心理有問題，如果搵唔到佢出嚟，都幫唔到。」街坊譚小姐亦指令佢「覺得好恐怖，居民應該要報警」譚又認為若果管理處唔肯正視問題，居民就惟有「安裝多啲閉路電視鏡頭cam去保障自己！」