專家：戀物癖或因得不到性滿足

【蘋果日報】「其實啲底褲已經洗乾淨，冇晒味啦……點解仲要去偷、仲要去聞？」不少女住客對於有變態賊人不斷偷晾曬中的胸圍內褲，都感到百思不得其解。精神科專科醫生丁錫全估計，呢啲喜歡專偷女性內衣褲嘅賊人，好可能有「戀物癖」，可以被視為有異常性癖好。賊人可能喺性方面得不到滿足，導致對女性的內衣褲有強烈嘅性衝動，遂要透過如偷取及觸摸或嗅聞女性內衣褲，先至得到性滿足。
不過丁醫生補充，有戀物癖人士較少會惡化至對女性作出實質的性侵犯行為，故市民及女住客或毋須過慮。一般而言，戀物癖嘅患者主要只需要接受心理治療，不需要服用藥物。另外戀物癖一般不會被視為精神病，所以偷底褲被拉嘅賊人在庭上亦難以用有精神病作為抗辯。