預算案審議　陳茂波遭圍插

【蘋果日報】立法會審議財政預算案進入最後階段，預料最快今日完成三讀程序，昨日辯論中，除民主派提多項修訂，削減被指浪費公帑、表現欠佳部門預算外，不少民主派甚至有建制派表示不會投贊成票，令預算案未能高票通過。另有民主派和建制派議員批評，今次港府捱轟才決定補漏拾遺派錢是「交差心態」、「有好過冇」。
朱凱廸：派錢係交差心態
立法會昨繼續以全體委員會，辯論46個涉及財政司長陳茂波與14名民主派議員提出共67項修正案的總目。兩大陣營議員再批評陳未做好與民共享。議會陣線朱凱廸斥，「（派錢）係純粹因為俾人鬧，鬧到無地自容……其實呢個咪即係完全係交差心態」，他建議來年當局「唔好再派糖，唔好再搞呢啲分化」，應該盈餘超越某個水平就將多出款額派給港人，「只要你（政府）嘅盈餘係超過譬如話500億，500億之後嘅錢全部一律平均分」。
工聯會陸頌雄亦不滿港府，指今次派錢「只能夠講係一個補鑊嘅措施，有好過冇」，強調「無差別嘅派錢本來係最好嘅方法，咁所以好希望政府真係要吸收今次慘痛嘅經驗」。
人民力量陳志全提出削減路政署2.7億元撥款，剛等於維修港珠澳大橋香港段，他斥責大橋未通車就要花巨額維修，故應削減有關開支。
會議至昨晚結束時仍未完成辯論，預期最快今日完成三讀，據了解，民主黨和公民黨都未必投贊成票，專業議政只得李國麟贊成。
在建制派中，實政圓桌田北辰亦開出條件，指當局未能承諾投放資源加強社區保母、增加幼稚園外籍英語教師或將N無人士津貼恒常化，他不會投贊成票。
■記者呂浩然