新聞類別
財經
詳情#
【蘋果日報】有日睇見討論區一篇文章，題為「魚唔過塘唔肥，40歲狂轉工未夠30K」，文中主角2003年出來工作遇上沙士，由六千五起步，做過日本、台灣、美國、德國公司，由clerk做到sales manager，營營役役工作15年，人工都只是兩萬八，諗住讀個Master來增加收入咁話。
網民有的戥佢唔抵，有的身同感受，有人話做sales人工低是常識吧。亦有話讀Master是洗錢不是搵錢，最絕那個一句到尾：「冇料咪搵唔到錢囉……長篇大論做乜？！」實在只要作一點微調，就算打工，都可以搵多啲。
這位仁兄由clerk做起，又做CS，最後轉做sales，此類sales我見得多，特徵是「唔知自己想要乜」，如果你立心想搵錢，第一份工就應該做sales，可能未必一下子找到一個能賺錢的行業，但早做sales的好處是早點面對客人「say no」，每一個成功的生意人，都要面對千億個「no」才能成功，馬雲也曾三十次見工被拒呢！
文中主角用幾年時間轉了幾份工，差不多三十歲人才開始面對拒絕，當然沒有剛剛出道一張白紙容易吧。
轉工忌轉行業
做銷售講決心，通常半途出家都是浮沉居多，就算有決心亦要雙倍努力方可成事。其實所有行業都一樣，一早入行積累行業經驗及人脈，都會更容易成功。
李超人十幾歲打工，二十未夠做主管，二十出頭做生意，這才叫贏在起跑線。再者，轉工不是問題，但行業最好不變，窮人與有錢人的分別，就是有錢人只做有累積的事。
每個行業只要用心去鑽研，都會成為「專業人士」，哪怕你是地盤散工，專注去做也會成為判頭帶幾十人搵食。有人賣寬頻都月入十幾廿萬，被王維基指名接見。就算你如何努力，但「行行都做吓」只會到老一場空。因為每一次見工你都是新人老散做起，畀個咩assistant business development manager銜頭你又如何，其實咪又係sales。
最後一樣，怎樣為之有料呢？你能夠成為公司的關鍵人物，就是「有料」。無論你做i.t.後勤還是做業務，如公司沒有你會有一段時間的陣痛，老闆或者上司都會想辦法加人工留住你免得麻煩。生意額是百業之源，客人因為你而幫襯，當然是最佳方式，對幾個大客做到服務加零一，其他麻煩散客就可以選擇了。不同崗位都是同一原理，只要能找到重點，打工都可以少勞多得。
郭釗
http://fb.com/heaology.edu
本欄逢周四刊出
網民有的戥佢唔抵，有的身同感受，有人話做sales人工低是常識吧。亦有話讀Master是洗錢不是搵錢，最絕那個一句到尾：「冇料咪搵唔到錢囉……長篇大論做乜？！」實在只要作一點微調，就算打工，都可以搵多啲。
這位仁兄由clerk做起，又做CS，最後轉做sales，此類sales我見得多，特徵是「唔知自己想要乜」，如果你立心想搵錢，第一份工就應該做sales，可能未必一下子找到一個能賺錢的行業，但早做sales的好處是早點面對客人「say no」，每一個成功的生意人，都要面對千億個「no」才能成功，馬雲也曾三十次見工被拒呢！
文中主角用幾年時間轉了幾份工，差不多三十歲人才開始面對拒絕，當然沒有剛剛出道一張白紙容易吧。
轉工忌轉行業
做銷售講決心，通常半途出家都是浮沉居多，就算有決心亦要雙倍努力方可成事。其實所有行業都一樣，一早入行積累行業經驗及人脈，都會更容易成功。
李超人十幾歲打工，二十未夠做主管，二十出頭做生意，這才叫贏在起跑線。再者，轉工不是問題，但行業最好不變，窮人與有錢人的分別，就是有錢人只做有累積的事。
每個行業只要用心去鑽研，都會成為「專業人士」，哪怕你是地盤散工，專注去做也會成為判頭帶幾十人搵食。有人賣寬頻都月入十幾廿萬，被王維基指名接見。就算你如何努力，但「行行都做吓」只會到老一場空。因為每一次見工你都是新人老散做起，畀個咩assistant business development manager銜頭你又如何，其實咪又係sales。
最後一樣，怎樣為之有料呢？你能夠成為公司的關鍵人物，就是「有料」。無論你做i.t.後勤還是做業務，如公司沒有你會有一段時間的陣痛，老闆或者上司都會想辦法加人工留住你免得麻煩。生意額是百業之源，客人因為你而幫襯，當然是最佳方式，對幾個大客做到服務加零一，其他麻煩散客就可以選擇了。不同崗位都是同一原理，只要能找到重點，打工都可以少勞多得。
郭釗
http://fb.com/heaology.edu
本欄逢周四刊出
回應 (0)
