新聞類別
財經
詳情#
【蘋果日報】大市自從年初創出新高後，經歷暴跌再反彈，再跌再反彈，行足3個月。只不過，反彈同下跌力度同樣越嚟越弱，波幅越收越窄，恒指大部份時間都喺30000點至31000點同上下擺動，雖然偶然會跌穿30000點橫行區底部，不過全部事後證明係假突破，換句說話，大市仍然未出方向。
係呢啲接近無方向嘅市況，最忌大注見升追升，見跌追跌，喺近月消息市之下，好易左一巴，右一巴，今日追升，聽日就大跌；到止蝕咗，佢又大升番去你入市位，個人越玩越無信心，到佢真係突破橫行區，你都會因為之前輸得太多次而唔敢再落注。喺家情況其實最好係咩都唔好做。
之不過如果想過手癮或者保持番對市場敏感度，其實可以用期權小注買兩邊價外call put，靜待大市出現突破。呢種做法有好處。股市永遠無得估，買兩邊，唔估升跌，只要大市出現單邊突破，贏果邊足夠cover輸果邊有突。不過要注意，天下無免費午餐，大市繼續橫行悶市，到期唔入價內，你有機會call put一齊輸。所以，呢種做法唔應該瞓身去做，只適合小注刀仔鋸大樹。如果你抱住買得大，賠得大，其實應該過大海，仲方便快捷。
用小小資金買兩邊，博爆邊，試一試個大市，未嘗不可。
Melody
係呢啲接近無方向嘅市況，最忌大注見升追升，見跌追跌，喺近月消息市之下，好易左一巴，右一巴，今日追升，聽日就大跌；到止蝕咗，佢又大升番去你入市位，個人越玩越無信心，到佢真係突破橫行區，你都會因為之前輸得太多次而唔敢再落注。喺家情況其實最好係咩都唔好做。
之不過如果想過手癮或者保持番對市場敏感度，其實可以用期權小注買兩邊價外call put，靜待大市出現突破。呢種做法有好處。股市永遠無得估，買兩邊，唔估升跌，只要大市出現單邊突破，贏果邊足夠cover輸果邊有突。不過要注意，天下無免費午餐，大市繼續橫行悶市，到期唔入價內，你有機會call put一齊輸。所以，呢種做法唔應該瞓身去做，只適合小注刀仔鋸大樹。如果你抱住買得大，賠得大，其實應該過大海，仲方便快捷。
用小小資金買兩邊，博爆邊，試一試個大市，未嘗不可。
Melody
回應 (0)
