新聞類別
財經
詳情#
【蘋果日報】五月係上市公司開股東會嘅旺季，唔少小股東把握機會問管理層問題。噚日利福國際（1212）股東會內，有名小股東直情把握機會向管理層sell公司產品，呢招營銷手法絕對好過cold call！
利福國際股東會上，投票環節過後，大部份小股東都急急腳拎禮物走人，唯獨有位中年男士，走去同管理層傾偈，華華八卦，聽到佢同財務總監潘福全、執董兼太子女劉今蟾介紹自己公司有關改善室內空氣嘅設備。
呢位仁兄話，見SOGO就快舉行thankful week（感謝周），人流一多，室內空氣質素監控自然好緊要，佢留意到SOGO用嘅相關設備係其他牌子，趁機介紹埋自己公司都有銷售相關產品，叫今蟾考慮吓幫襯，仲主動遞上卡片。
面對小股東主動嚟傾生意，今蟾好有耐性聽，仲話會慢慢研究。呢位小股東咁有心，話唔定有一日真係做埋利福嘅合作伙伴啊。
李華華
LiWaWa@AppleDaily.com
利福國際股東會上，投票環節過後，大部份小股東都急急腳拎禮物走人，唯獨有位中年男士，走去同管理層傾偈，華華八卦，聽到佢同財務總監潘福全、執董兼太子女劉今蟾介紹自己公司有關改善室內空氣嘅設備。
呢位仁兄話，見SOGO就快舉行thankful week（感謝周），人流一多，室內空氣質素監控自然好緊要，佢留意到SOGO用嘅相關設備係其他牌子，趁機介紹埋自己公司都有銷售相關產品，叫今蟾考慮吓幫襯，仲主動遞上卡片。
面對小股東主動嚟傾生意，今蟾好有耐性聽，仲話會慢慢研究。呢位小股東咁有心，話唔定有一日真係做埋利福嘅合作伙伴啊。
李華華
LiWaWa@AppleDaily.com
回應 (0)
