嘉湖套房分租　每日$150月租$3,000 放盤人間中留宿

【蘋果日報】【周末專題】網上出現天水圍嘉湖山莊套房日租150元放盤，記者向放盤人查詢，換來80後欠債還錢打兩份工的故事。不願出鏡的當事人梁先生坦言，欠銀行錢，朝早在補習社打工，晚間揸Uber，大部份時間在車內睡覺，由於月租5,600元的嘉湖套房極少用，「唔好嘥」求合租，日租150元，亦可月租3,000元，「1個月偶然返嚟3、4日過夜」。
記者：陳家雄
80後梁先生在本地大學畢業，畢業後到補習社做補習老師，目前月薪升至逾2萬元，主要替中學生補全科，原與家人居住，但「屋企唔夠大，如果返父母屋企要瞓廳，仲有自己啲嘢，空間唔夠」。去年初網上搵樓，搵到天水圍嘉湖山莊套房出租，月租5,600元，「當時屋苑啲租金要八、九千蚊，呢個價真係租唔到。」
包水電冷氣　廳廚共用
數周前他透過網上放盤平台將套房放租，叫租每日150元，記者致電約訪，他考慮數小時後答應接受訪問，並讓攝影師上門拍攝現場實況。套房是在嘉湖景湖居2座單位內，單位保留原裝鐵閘及大門，甫入單位已見原裝鑽石廳被間多一間房出來，連同原裝3房，一屋4房。他租用的套房屬於原則主人套房，有獨立廁所。
他表示，同屋有4個租戶，除了他，還有一個是香港人，其餘應該不是本地人，「講個啲唔知咩話，應該鄉下話，比較少接觸佢哋。」梁生說，單位原裝飯廳及廚房共用，需要明火煮食可到廚房。梁生分租的套房，根據平面圖，未計獨立廁所，實用面積近90方呎。現場見，放置一張雙人床、書櫃、雪櫃、微波爐及衣櫃，還有落床位，窗台放置膠櫃桶。
被問為何將套房以日租出租，他回應：「本身呢個租比較貴，自己有兩份工，夜晚少時間返屋企，見唔好嘥，間房四四正正，有獨立廁所……有興趣嘅話，希望長租，月租計3,000元，如果日租就150元，水電、冷氣全包。當然希望月租，一個月我偶然返來3至4日……當然要佢唔介意，間房係雙人床，我唔預期同佢一齊瞓，我返嚟可以瞓地下，打地鋪，一晚半晚，問題都唔大。」
5人表示有興趣承租
網上放盤以來，梁先生獲5人表示有興趣，其一人表示正待現有租約7月到期，亦有女子查詢，惟得悉與男租客合租後便不考慮。沒回嘉湖套房的日子，沒有返父母家瞓廳，他表示，每晚就在車廂中瞓覺，「唔可以開冷氣瞓㗎，開冷氣瞓會一氧化碳中毒。就算開冷氣都要開條罅，與其開窗不如唔開冷氣，食油㗎嘛，夜晚唔係好熱！日頭無客，都唔開冷氣，慳番啲，經常開，唔係賺得好多㗎咋！」
他滿意揸Uber收入，「好似噚晚補習社收10點半，跟住揸車接Call接到凌晨兩、三點……嗯，呢兩日都搵咗逾2,500元。」車輛泊在甚麼地方後瞓覺？他回答：「好簡單箒！見位咪擺，講真夜晚12點後唔會抄牌，正常來講呀，好少見，雙黃線都照擺……噚晚咪擺宏景花園。」通常每日在車內瞓4至5小時，情況持續近半年。
未結婚，無女友，兩份工總計月入幾萬元，5,600元套房卻仍求合租？他坦言：「欠銀行錢！」欠幾多、為何欠錢，他三緘其口，並以一句「家家有本難諗的經」作結。