鄭中基斥港府：母語係咩都問人

【蘋果日報】甚麼是母語？特首林鄭月娥認為是無聊問題，教育局局長楊潤雄一度連回答也不敢。藝人鄭中基則於兩周內兩度發文炮轟港府及楊潤雄，「點解連母語係咩都要問人？仲要問個講國語嘅人，你唔好問個西人？」他指廣東話是香港人母語，根本沒有爭拗餘地，「你點樣做教育局長？你辭職啦！」
杜汶澤爆粗鬧教局
廣東話被內地學者貶為非香港人母語，港府拒清楚表述立場。藝人鄭中基昨在facebook發炮，「你細個阿媽點教你講說話？你依（依）家係點樣諗嘢？用咩語言邏輯？」他又落hashtag暗諷：「#我都問咗個賣牛雜嘅學者佢話大家個母語係廣東話喎」。
教育局早前收緊中學歷史課本的內容審查，鄭中基早已發文狠批：「教育局長嚟講一蟹臭過一蟹」，昨再斥楊潤雄不配做教育局局長，「你辭職啦」。一向敢言的藝人杜汶澤前晚也在facebook表態，「教育局你噏乜X啫？其實如果粵語唔係你嘅母語，咁我X你老母你都唔知我講乜啦！」
另一藝人黃秋生昨則引述「封神榜上古漢語配音」短片，指上古漢語即先秦至漢朝使用的漢語，才是正宗漢人母語，「以後便用這種語言上課罷（吧）。不可爭議不休，呢個係一個無聊問題」。
■記者王家文