西環集中營：民主黨左右做人難

【蘋果日報】民主黨許智峯涉搶「狗仔隊」手機事件，不但令許成眾矢之的，建制派亦趁機向民主派步步進逼，要他們就DQ許智峯議席表態。有民主派中人稱，民主派內部對如何應對事件有分歧，連民主派支持者也對是否撐許各有不同看法，令處身風眼的民主黨左右做人難，「民主黨依家就好似俾人左一巴、右一巴咁打」。
民主派對處理許智峯有分歧
該民主派中人指，民主派基本上認同許涉搶手機手法要譴責，但程度上有很大分歧。有些人對許做法十分不滿，認為他不顧後果，亦未有考慮對整個民主派的影響，「佢冇理由唔知搶手機係犯法，佢有冇諗清楚先做？」原本民主派在議會內還有一地兩檢、《國歌法》等仗要打，之後還有補選，「俾佢咁搞一搞，真係乜都唔使做」，覺得無論如何難以公開撐許。
但另一派民主派議員堅持，縱使許手法要譴責，但民主派絕不能與許割席，否則就中了建制派的計，他們特別不滿劉慧卿針對許的言論，「建制派擺明要DQ許智峯，作為民主派有乜可能認同」，認為民主派應反擊，追究政府侵犯議員私隱，而非糾纏於許是否要辭職。
除了民主派內部有分歧，事件另一「受害者」民主黨同樣因今次事件，要處理黨內及支持者的矛盾。有民主黨中人直言，當日爆出許智峯涉搶手機事件後，黨內及支持者均要求民主黨必須公正懲處，到民主黨按機制凍結許黨籍，又輪到另一批黨員及支持者批民主黨與許割席，結果又要出聲明、開解說會對內及外澄清，「民主黨依家就好似俾人左一巴、右一巴咁打，保佢又俾自己人鬧、罰佢又俾另一班自己人鬧，真係做乜都死」。
季陶
周一、三、五刊出