「狗仔隊」如常出動　改以男為主

【蘋果日報】立法會審議高鐵一地兩檢的法案委員會期間，發生許智峯涉搶政府「狗仔隊」女職員手機事件後，昨再次召開會議，但無阻政府「狗仔隊」繼續全程監視議員開會情況（圖），不過有議員發現昨日「狗仔隊」以男性為主，未知是否因許智峯事件而有如此安排。
黃定光：唔覺佢哋驚青咗
法案委員會昨早再開兩個小時會議，也是許智峯事件後首次開會，運房局政助符傳富及保安局政助劉富生，如常率「狗仔隊」到立會大樓監視議員去向。現場所見，審議一地兩檢會議室外仍舊有多名「狗仔隊」工作。
但建制派議員謝偉俊稱，即使昨到場的人數與以往相若，他留意到「狗仔隊」成員有較多男士，他亦詢問過政助有關情況，對方確認他的觀察屬實，但未知是否因應許智峯事件才有此安排，「如果真係有啲不愉快事件發生咗、（唔想）喺短期內重複（發生）嘅話，亦都令到有關嘅政府同事安心啲，（安排）男士會恰當啲」，又笑言「當然男士都唔係冇威脅」，又稱自己平時都會與「狗仔隊」打招呼，「當然忙嘅時候就唔理」，但直言並非每名議員對待政府「狗仔隊」態度與他一樣。
民建聯黃定光表示，不覺得昨在場的「狗仔隊」與往日不同，他形容「狗仔隊」都只是正常工作，而許智峯事件後，不同立場議員都有一致看法，「立場唔同箒，做人嘅操守、道德準則都係一樣嘅」，相信各人都會引以為戒，令「狗仔隊」更加安心。他續指，不覺得「狗仔隊」顯得更加小心或「驚青咗」。
■記者呂浩然