會師中環：美國摑醒「中興夢」

【蘋果日報】中興一詞，意思就是指一個國家經歷衰落後再次強大，例如習近平經常提到「民族偉大復興」，就是一個「中興夢」。可惜夢不能長久，近日美國制裁中興通訊（763）導致公司進入休克狀態，就很實在地摑醒「中興」和「中興夢」。
中興違反出口禁令，被制裁是理所當然。這件事情最令人震驚的是中國核心技術如此薄弱，原來只要美國禁止晶片出口，大陸公司就因冇相關技術而無法運作。這裏點出了中國發展的核心問題：中國只不過是進階版的世界工廠。其實，現在中國很多企業，從事的都不過是代工生產，然後再加少少嘅「商業創意」，就當成係創新產品。殊不知這類所謂創新，只不過是生產過程、生意模式、產品功能嘅整合同改善，同真正科技創新有一大段距離。這就跟「將幾篇論文整合再改幾隻字，就當自己係博士」一樣無稽。
要改變這個現況，首要做嘅就係放棄短視嘅生意哲學。中國人做生意金錢至上，務求以最短時間賺最多嘅錢，左抄右抄，甚至犯法都在所不惜，結果不少大陸公司發展一段時間除了賺錢就冇獨門專長。要知道世界級技術永遠都要靠長時間科研同燒錢才能開發，這絕非急功近利之輩可以做到。當然，一個人之所以短視又貪錢，說到底就係對將來欠缺信心和安全感，而為何中國人情況會特別嚴重？這牽涉到很複雜的制度問題，絕非叫吓「中國夢」就可以解決。
神仙丁
《審計搵丁》負責人
http://facebook.com/AuditSlave/
本欄逢周五刊出