新聞類別
財經
詳情#
【蘋果日報】「男神」黃子華再搞棟篤笑，一票難求。搶不到門票的人，又將責任推在一班炒黃牛飛的人身上。「如果杜絕黃牛，咁就買到飛喇。」一般人只會簡單二元分敵我，無佢份，就會有我份，完全無視市場經濟理論。
黃牛出現，原因只有一個，就是需求太高，價格太低，炒家可以低買高賣賺差價。因為有得炒賣，所以有黃牛，後者都係一種職業。搵食箒，犯法呀？唔係喎，佢哋可能犯咗《公眾娛樂場所條例》喎？搵食箒！事實上，香港從來都是一個靠炒賣發達的城市，由當年麥當勞Snoopy及Hello Kitty公仔、波鞋、演唱會門票，到近年炒紀念鈔、樓、iPhone、Bitcoin，炒家黃牛一直都存在。
不過，總有一班人秉持黃子華的「魚蛋論」：唔公平！我買唔到飛，你班黃牛都唔可以買到飛，大家都買唔到飛，咁就公平喇。
嗰班人不屑有人炒賣iPhone發達，但自己會將部新iPhone賣畀先達佬，先賺一水，等幾個月先再買新機自用；唔想有人炒黃牛飛，但自己買到飛，就喺fb、ig晒命呃likes；會恥笑有人買貴飛、有人炒燶貨，但又會到處打聽炒價，決定自用、送朋友賣人情抑或賣出。
解決黃牛，應由市場供求做起。不過，點解無人叫黃子華紅館開棟篤笑開足幾年，畀足700萬個位，個個都可以聽，咪一齊開心囉？又或者呼籲大會將門票賣貴幾倍？少人入場，黃牛同樣絕迹。好明顯，前者會令你張門票變得不再privilege，後者好可能搞到自己都不捨得入唔場睇show。
其實，黃牛是市場產物。如果你可以控制一班公公婆婆及南亞兵團，畀你會唔會做黃牛？我猜大多數人口裏說不，但身體很誠實。
徐風
http://facebook.com/1min.investment/
本欄逢周五刊出
黃牛出現，原因只有一個，就是需求太高，價格太低，炒家可以低買高賣賺差價。因為有得炒賣，所以有黃牛，後者都係一種職業。搵食箒，犯法呀？唔係喎，佢哋可能犯咗《公眾娛樂場所條例》喎？搵食箒！事實上，香港從來都是一個靠炒賣發達的城市，由當年麥當勞Snoopy及Hello Kitty公仔、波鞋、演唱會門票，到近年炒紀念鈔、樓、iPhone、Bitcoin，炒家黃牛一直都存在。
不過，總有一班人秉持黃子華的「魚蛋論」：唔公平！我買唔到飛，你班黃牛都唔可以買到飛，大家都買唔到飛，咁就公平喇。
嗰班人不屑有人炒賣iPhone發達，但自己會將部新iPhone賣畀先達佬，先賺一水，等幾個月先再買新機自用；唔想有人炒黃牛飛，但自己買到飛，就喺fb、ig晒命呃likes；會恥笑有人買貴飛、有人炒燶貨，但又會到處打聽炒價，決定自用、送朋友賣人情抑或賣出。
解決黃牛，應由市場供求做起。不過，點解無人叫黃子華紅館開棟篤笑開足幾年，畀足700萬個位，個個都可以聽，咪一齊開心囉？又或者呼籲大會將門票賣貴幾倍？少人入場，黃牛同樣絕迹。好明顯，前者會令你張門票變得不再privilege，後者好可能搞到自己都不捨得入唔場睇show。
其實，黃牛是市場產物。如果你可以控制一班公公婆婆及南亞兵團，畀你會唔會做黃牛？我猜大多數人口裏說不，但身體很誠實。
徐風
http://facebook.com/1min.investment/
本欄逢周五刊出
回應 (0)
