劉慧卿：許不適合留黨及做議員

【蘋果日報】許智峯搶手機事件對民主黨造成極大衝擊，前立法會議員、民主黨前主席劉慧卿認為，許已不適合留在民主黨，也不適合繼續做立法會議員。她個人對此事感到「好憤怒和痛心」，力斥許的行為「好差」、「好離譜」：「我覺得好難容忍呢啲行為，我自己做咗議員25年，我覺得唔可以咁樣做，我既唔明白（為何他這樣做），亦好憤怒……有冇搞錯，搞啲咁嘅嘢出嚟，真係好離譜。」
指不少支持者不滿
劉慧卿接受本報訪問時強調，自己只是普通黨員，沒權處理此事，但民主黨自有程序處理，除非召開黨大會要她投票決定許的去留。被問到若她有一票，會否支持革除許黨籍，劉慧卿直言許不適合留在民主黨，且不適合繼續做議員，「其實我覺得佢唔適合（留在民主黨），呢個好清楚，亦都唔適合留在立法會。當然有啲人會覺得我嚴苛，呢個只係我一票啫。」
劉慧卿亦不滿許在事後一整日，拒絕向公眾道歉：「我對佢（許智峯）咁處理，我係好唔認同，佢唔肯向公眾道歉，呢件事係全香港都震驚。」她指，昨日與中西區區議員伍凱欣在街上為民主黨籌款時，不少街坊上前向她們表達對許做法相當不滿，但她認為多數街坊仍是支持民主黨：「民主黨嘅底子係好厚，但市民對呢個人（許智峯）係好不滿，所以有啲街坊係分得開。」劉認為，民主黨要嚴肅處理今次事件，勿讓公眾失望。
■記者姚國雄