中環在線：陳啟宗避談「敏感」話題

【蘋果日報】土地供應小組諮詢噚日展開，會否收回粉嶺高爾夫球場成為討論焦點之一，恒隆地產（101）主席陳啟宗出席股東會後就話，呢個問題「好敏感」，話雖然自己唔打高爾夫球，但「好多國際企業高層打」，香港「靠提供專業服務」食飯，尤其是高層次金融服務，反問作為國際大都會，「冇咗Golf場得唔得呢？」
收回高球場改建住宅，佢話需要考慮各方面，包括交通配套是否足夠，另外香港深圳融合日深，係咪可以「去深圳打」，都係大家可以考慮，「無話一定可以或者唔可以」。至於是否可以將佔地逾170公頃的高球場作部份改建，不全面收回，陳啟宗就話將「18個窿變成8個窿、4個窿得唔得呢？」可以問問有打高球人士的意見。
至於點睇香港樓市，陳啟宗話「唔好bet against香港的房地產市場」，指香港人有錢會買樓，同時內地人會來港投資買樓，「香港無可能低樓價」，但稱「細價樓最好不急升」，否則對市民生活有大影響。
李華華
LiWaWa@AppleDaily.com