天然鹽　合成鹽　營養無分別

【蘋果日報】鹽所含的鈉是人體必須的營養素之一，鹽分為海鹽、岩鹽、湖鹽等天然鹽，以及人工合成鹽如餐桌鹽。有營養師指出，無論天然或人工合成的鹽，營養成份大同小異，最重要是不要過度攝取鹽份。
餐桌鹽較少污染
香港營養學會會長張智良表示，以營養學角度，不同種類的鹽營養成份大同小異，「由傳統海鹽、湖鹽、岩鹽，以至人工合成嘅餐桌鹽，佢哋營養成份一樣，都係含有九成七、九成八以上嘅氯化鈉」。他又指，岩鹽所含的礦物質只有微量，「不足以達到每日所需攝取量」。
他表示，人工合成的餐桌鹽受微塑膠污染的風險較天然食用鹽低，「如果原材料冇呢啲問題，就唔需要擔心產品含有呢啲污染物，唔少人以為天然嘅鹽比餐桌鹽健康，但以營養角度兩者冇分別，最重要係唔好過度攝取鹽份」。
近年不少港人追捧日本海鹽，認為較其他海鹽有益，張指出，要視乎抽取的海水水質，「喺岸邊同海中心抽取海水提煉海鹽，可能已經有分別，其實日本都要睇地區，因為部份地區仍受輻射污染影響」。
綠色力量副主席文志森指，即使礦物鹽較海鹽含較少微塑膠，但整條食物鏈都可能受微塑膠污染，例如海產類等。他稱，微塑膠污染與工業污染有密切關係，中國作為工業大國，沿海排出污染物較多，「好視乎地域性，跨海域微塑膠污染相對較低，但本地污染（影響）較大」。
香港浸會大學生物系教授黃港住指，除了海域受塑膠垃圾污染，導致食鹽含微塑膠外，亦有可能是包裝過程受污染，「會唔會係包裝時候滲咗（微塑膠）落去呢？」他指，微塑膠部份碎片化至「納米」，當進入人體後有機會殘留，但對健康影響仍有待研究。他憂慮微塑膠污染影響廣泛，或成為全球暖化後，第二個威脅全球人類的問題。
■記者謝明明