侵侵冇新俄國制裁　孫柏文話要再溝「鋁」

【蘋果日報】據外地傳媒報道，美國總統特朗普告知俄羅斯使館，指不會再有新的制裁。此外，美國鋁業昨日公佈首季業績並表示，美國對俄鋁的制裁，令全球供應鏈出現震盪，相信全球供應缺口將會比預期更大。俄鋁（486）股價反彈26.06%，至1.79元，成交6.59億元。
孫柏文表示不會再有新的制裁，並不是強心針，最重要是美國撤銷制裁，或俄羅斯讓步的結果出現，並說「如果佢玩大啲，有結果嘅機會反而高」，指寧願美國再制裁俄羅斯，屆時不是俄羅斯「跪低」，就是美國覺得自己「玩大咗」，又估計最大機會是俄鋁大股東賣股轉手，或作資產出售。
孫柏文指自己「坐緊艇」，但指俄鋁股價不是零，就是4元，故不論股價在1.5元或2.5元，都沒有分別，在沒有消息的情況下，即使股價重上其所買入的平均價，「我都係唔會放」，因為要等待結果，又透露想再加注五成股數，「因為跌咗咁多，用嘅資金咪少咗好多」，但其使用的銀行不讓再買，故已找證券行。
此外，他笑指之前說不知道美國下一個會對付誰，「我都冇講完，個零禮拜就到中興」，而中興仍未復牌，認為「做俄鋁股東好過中興通訊，起碼俄鋁冇停牌，哈哈哈」，並指買俄鋁的投資者絕對有值博率，因為始終是全球生產鋁，成本效益最高，炭排放最低的公司。