新聞類別
港聞
詳情#
【蘋果日報】【旺角騷亂案】2016年大年初二旺角騷亂案，梁天琦踏入第3天自辯。梁剖白當晚衝擊警方防線前心情緊張，坦言一心只想留在原地等待警察清場，就如控方所言只是「無可奈何跟大隊」，因他身為補選候選人，不可能大家向前衝而他向後退。梁又直言不認同黃台仰大叫「3、2、1，去」及用武力衝擊警察，「因為衝過去係冇意思，係送死，結果都係一樣。因為全副武裝嘅警察一定有能力將我哋驅散」。
記者：蘇曉欣
梁天琦昨繼續接受控方盤問，稱當時決定舉行選舉遊行後，曾走到前線與警方表明意願，但無人理會。控方質疑當晚其實曾有一名沙展主動與黃台仰對話，但黃僅叫警方離開，沒提及選舉遊行。梁表示不知情。控方反問梁會否對黃的舉動感奇怪，梁直言「有啲奇怪，但我唔知佢點解冇講，我覺得如果沙展想搵人聯絡，其實應該搵我，因為我先係候選人」。
不滿楊岳橋踩台
控方質疑梁口口聲聲要舉辦一個少於30人的選舉遊行只是煙幕，實情是想與警方搞對抗。梁不同意，強調當時眼見警方行動升級，才一心想保護市民。控方反問市民離開會否才是上策？梁同意，但亦反問：「點解每一年大家都可以咁做（小販擺賣），但今次就要用晒全副武裝去阻止呢件事？我覺得係唔合理。」
控方再反駁接近衝突時分根本就沒人在街「篤魚蛋」，梁稱不清楚，認為有部份人可能因警察行動而離開。控方指梁實情是鼓勵群眾留低，與本民前一同對付警察。梁不同意。
現場片段所見黃台仰當晚曾稱「如果你哋要玩，我哋香港人同本民前一定同你玩大佢」及呼籲大家「3、2、1，去」衝擊警方防線，當時站在第一排的梁承認與黃當晚想法背道而馳，因他認為用武力對抗警察是「冇意思」及「送死」。
控方認為若梁不想衝擊，可以選擇離開；惟梁稱「好難」，並指「嗰陣已經講咗會繼續選舉遊行，呢啲說話係收唔番」。雖然兩人當時身處位置相近，但梁坦言與黃沒共識下一步會怎做，他亦沒主動問黃。
另控方播放片段聽到梁天琦曾夾雜粗口用大聲公廣播：「好X多黨啦，重有咩工黨、民主黨、社民連同人民力量，叫佢哋出嚟幫拖，可以學我哋咁，叫佢哋叫30個人出嚟保護啲市民！」
控方質疑梁打着選舉旗號，實際是呼籲其他政黨前來旺角支持本土。梁不同意，表示他當時是對「有人踩台」反感，故反駁獲泛民支持的另一名候選人楊岳橋，亦大可舉辦遊行保護市民，而非「踩台」。聆訊今續。
案件編號：HCCC408/16
記者：蘇曉欣
梁天琦昨繼續接受控方盤問，稱當時決定舉行選舉遊行後，曾走到前線與警方表明意願，但無人理會。控方質疑當晚其實曾有一名沙展主動與黃台仰對話，但黃僅叫警方離開，沒提及選舉遊行。梁表示不知情。控方反問梁會否對黃的舉動感奇怪，梁直言「有啲奇怪，但我唔知佢點解冇講，我覺得如果沙展想搵人聯絡，其實應該搵我，因為我先係候選人」。
不滿楊岳橋踩台
控方質疑梁口口聲聲要舉辦一個少於30人的選舉遊行只是煙幕，實情是想與警方搞對抗。梁不同意，強調當時眼見警方行動升級，才一心想保護市民。控方反問市民離開會否才是上策？梁同意，但亦反問：「點解每一年大家都可以咁做（小販擺賣），但今次就要用晒全副武裝去阻止呢件事？我覺得係唔合理。」
控方再反駁接近衝突時分根本就沒人在街「篤魚蛋」，梁稱不清楚，認為有部份人可能因警察行動而離開。控方指梁實情是鼓勵群眾留低，與本民前一同對付警察。梁不同意。
現場片段所見黃台仰當晚曾稱「如果你哋要玩，我哋香港人同本民前一定同你玩大佢」及呼籲大家「3、2、1，去」衝擊警方防線，當時站在第一排的梁承認與黃當晚想法背道而馳，因他認為用武力對抗警察是「冇意思」及「送死」。
控方認為若梁不想衝擊，可以選擇離開；惟梁稱「好難」，並指「嗰陣已經講咗會繼續選舉遊行，呢啲說話係收唔番」。雖然兩人當時身處位置相近，但梁坦言與黃沒共識下一步會怎做，他亦沒主動問黃。
另控方播放片段聽到梁天琦曾夾雜粗口用大聲公廣播：「好X多黨啦，重有咩工黨、民主黨、社民連同人民力量，叫佢哋出嚟幫拖，可以學我哋咁，叫佢哋叫30個人出嚟保護啲市民！」
控方質疑梁打着選舉旗號，實際是呼籲其他政黨前來旺角支持本土。梁不同意，表示他當時是對「有人踩台」反感，故反駁獲泛民支持的另一名候選人楊岳橋，亦大可舉辦遊行保護市民，而非「踩台」。聆訊今續。
案件編號：HCCC408/16
回應 (0)
