中環在線：周大福創作空間Loupe揭幕

【蘋果日報】身兼周大福（1929）執董嘅新世界發展（017）執行副主席兼總經理鄭志剛除咗熱愛藝術，一向都好着重培育本地藝術人才。噚日周大福及周大福藝術基金共同策劃嘅創作空間Loupe，喺中環PMQ元創方揭幕。Loupe係一個培育本地及海外珠寶設計師嘅孵化器。有冇錢賺？周大福董事總經理黃紹基話呢個唔係重點。
噚日鄭志剛就冇現身喇，活動由黃紹基主持。黃紹基話，Loupe呢個project重點唔係賺錢，項目主要培育本地及海外珠寶設計師，強調可持續性。不過，Loupe並不是慈善機構，收入來源主要來自租用場地予業界做展覽、工作坊，駐場設計師售賣自家作品等，預期項目要5至6年先可以收支平衡。
最好嘅係，設計師喺Loupe製作嘅作品，其IP（知識產權）係屬於設計師本人，黃紹基話：「IP唔一定畀周大福，畀其他珠寶公司都得」。咁設計師可以得到周大福設計團隊嘅技術及器材等支援之餘，又可以製作真真正正屬於自己嘅作品。
李華華
LiWaWa@AppleDaily.com