新聞類別
財經
詳情#
【蘋果日報】不花唇舌去講市場氣氛有幾差，相信大家都feel到了，亦毋須執着甚麼是跌市原因，始終大家都開心咗年半以上，汽車、手機及科技，全部係倍數升幅，盈利雖然都係大增，但股價大多向前炒緊幾年的增長，依家行業有壞消息，無論是國策轉變定係侵侵發功，都只係觸發套現的藉口，相信這些板塊往後都會較為弱勢，戰友們宜避之。
貿易戰及制裁，係4月的風暴中心，要避險，除了買公用股，仲可以留意一些跌市綠洲，例如消費股。侵侵唔想同你做生意，咁就惟有靠自給自足囉，越本土化越少靠出口的，相信最安全，起碼自己人不會制裁自己人吧，所以中港內需股可以看漲。近日體育用品股，無論大小，都先後為Q1報喜，首季營運數字都係靚仔，當中龍頭安踏（2020）銷售額同比漲兩成，仲勁過啲細市值同業，股價貼近全年高位，反映市場資金也認同升勢，如果有回吐不妨買啲。
而本地零售股亦值得留意，莎莎（178）、周大福（1929）及六福（590）先後公佈1至3月的銷售數據，延續去年底的氣勢，按年大增，港元兌人仔轉弱，似乎幫到手，吸引了大媽來港澳消費。零售股早幾年受自由行減少，及高昂租金的打擊，股價紛紛從高位跌咗七、八成，亦促使佢哋縮減開支瘦身，現在可能就是收成期。
零售股的財政年度在3月結，換言之現在正是等放榜的時候，按他們每季公佈的銷售數字，大概都知道這份業績非常不錯，所以已有大行提早唱好，調高目標價，而接下來的催化劑，相信是盈喜，那就要看看個別公司控制成本的能力了，而青冰較看好莎莎的原因，正是這個，2月時佢哋自願公佈將蝕足6年的台灣業務結束，肯止血好過長痛呀，值得尊重。現時市況較弱，安踏及莎莎雖是龍頭，還是趁大市急挫時撈貨，比創新高時追入為佳，只要4至6月的銷售數字保住上升勢頭，股價大漲小回應沒問題。
青冰
http://fb.com/chingbing888
本欄逢周四刊出
貿易戰及制裁，係4月的風暴中心，要避險，除了買公用股，仲可以留意一些跌市綠洲，例如消費股。侵侵唔想同你做生意，咁就惟有靠自給自足囉，越本土化越少靠出口的，相信最安全，起碼自己人不會制裁自己人吧，所以中港內需股可以看漲。近日體育用品股，無論大小，都先後為Q1報喜，首季營運數字都係靚仔，當中龍頭安踏（2020）銷售額同比漲兩成，仲勁過啲細市值同業，股價貼近全年高位，反映市場資金也認同升勢，如果有回吐不妨買啲。
而本地零售股亦值得留意，莎莎（178）、周大福（1929）及六福（590）先後公佈1至3月的銷售數據，延續去年底的氣勢，按年大增，港元兌人仔轉弱，似乎幫到手，吸引了大媽來港澳消費。零售股早幾年受自由行減少，及高昂租金的打擊，股價紛紛從高位跌咗七、八成，亦促使佢哋縮減開支瘦身，現在可能就是收成期。
零售股的財政年度在3月結，換言之現在正是等放榜的時候，按他們每季公佈的銷售數字，大概都知道這份業績非常不錯，所以已有大行提早唱好，調高目標價，而接下來的催化劑，相信是盈喜，那就要看看個別公司控制成本的能力了，而青冰較看好莎莎的原因，正是這個，2月時佢哋自願公佈將蝕足6年的台灣業務結束，肯止血好過長痛呀，值得尊重。現時市況較弱，安踏及莎莎雖是龍頭，還是趁大市急挫時撈貨，比創新高時追入為佳，只要4至6月的銷售數字保住上升勢頭，股價大漲小回應沒問題。
青冰
http://fb.com/chingbing888
本欄逢周四刊出
回應 (0)
