私家車打死火燈急停　玩殘尾隨巴士　司機呼冤　稱車長開高燈挑釁

【蘋果日報】一輛巴士前晚駛經屯門公路期間，前面一輛私家車慢駛並一度打死火燈停車，令巴士要響號急煞，有乘客斥私家車「玩嘢」，對巴士乘客安全構成威脅，事後將拍下的短片放上網公審。《蘋果》聯絡到涉事私家車司機譚先生，他呼冤：「我慢線行70公里有乜嘢錯呢？」澄清是巴士兩度欲爬頭不果，並開高燈射他，他才打死火燈停車示意讓巴士爬頭，但巴士一直尾隨。
記者︰姜偉康
短片長3分32秒，片段中一輛由沙田開往屯門的九巴263號線的乘客，指摘前面慢線的私家車司機駕駛態度不妥。乘客許先生稱，前晚約10時，九巴駛至屯門公路時，發覺車長急煞車，前面慢線一輛私家車亮着死火燈「踩brake」，他懷疑私家車司機講手機而慢車，被車長響號而「玩嘢」。巴士上指罵聲此起彼落，「煞車超過3分鐘」、「成部車百幾人喺度，你喺度玩？」最終巴士駛入屯門公路轉車站，私家車繼續向屯門方向駛去才「各行各路」。
許先生之後到警署報案，同時讚揚巴士車長遇到挑釁仍保持冷靜。不過，私家車司機譚先生卻認為自己的駕駛態度無問題，他向《蘋果》稱：「你哋啲網民放條片上網，又唔知道前因後果，又喺度討論，令到我心情好煩擾！」
「慢線行70公里有乜嘢錯」
譚指自己每日都會駕車沿屯門公路慢線行駛，自覺較安全，事發時他駕車接載太太回家，駛至深井過橋上斜位，一直保持70公里均速，「我慢線行70公里有乜嘢錯呢？」後來一輛九巴駛至，兩度欲爬頭不果，然後巴士以高燈射他，「咁我咪收慢架車囉，你（巴士）會影響到我駕駛㗎嘛，佢（巴士）係咪可以行中線爬番我頭呀？」譚稱當時中線無車，巴士有足夠時間爬頭，但巴士並無切線，一直開高燈。譚稱他因此打死火燈慢車，同時指不滿巴士沒有保持兩秒安全距離。譚更反指是巴士車長挑釁他，稍後會向九巴投訴。他自稱有30年駕駛經驗，因「年紀唔細」會小心駕駛。
警方將事件列作交通投訴，交由新界北交通人員跟進調查。九巴發言人稱，車長因應路面交通情況，以專業及安全的駕駛態度接載乘客前往目的地。