中環在線：甘比借孖展炒恒大？

【蘋果日報】劉鑾雄（大劉）太太甘比旗下嘅華置（127），近年賣樓收益少咗，不過投資喺「鋤dee會」成員許家印旗下嘅恒大（3333）就賬面獲利多多，有傳媒就喺年報發現，原來華置舊年借咗近百億孖展買股，唔知係咪大部份都關恒大事呢 華置年報提到舊年流動負債達137億元，當中涉及買股嘅孖展金額就達98億元，而由於依家揸住嘅股票價值仍超過貸款價值比率，所以就唔使還孖展住嘅。
再睇真啲，華置揸住嘅股票賬面值有231億元，而恒大嘅公平值收益達到99億元，成個投資組合都仲係非常健康，不過股東最關注嘅係，究竟華置幾時會將呢筆投資獲利，然後派特別息？華華就梗係希望唔好等太耐啦。
李華華
LiWaWa@AppleDaily.com