新聞類別
財經
詳情#
【蘋果日報】成日話本地銀行水浸，金管局歷史性在7.85弱方兌換保證價出手，承接銀行港元沽盤變相抽走資金，令銀行體系結餘縮細，究竟銀行體系結餘是甚麼？
簡單而言，本港超過150間持牌銀行，每間都要喺金管局內，開設一個無利息收的往來戶口（形同支票戶口），該局化身「銀行既銀行」，做資金最後守門人。
每日各銀行之間，都有大量入數同出數需要，例如銀行A客戶向其借貸，還錢畀另一名喺銀行B開戶的生意對手；又或者銀行A同銀行B之間進行外滙買賣。當扣除哂呢啲應收或應付金額對好數後，各銀行戶口所剩餘的閑資，總和就是銀行體系總結餘。
咁點解金管局無息畀，銀行仲要預留千幾億元總和既閑資在戶口內？原因係為免交收風險，例如臨收市前有突變，要畀錢人但唔夠錢又借唔到，或埋錯數掙錢，其作用就等同一個人在支票戶口內，預留多少少錢，以防開票被彈一樣。
08雷曼風暴前，銀行體系總結餘約30至50億元已經好夠，但風暴後一則資金湧港水浸，再加上國際監管規則愈來愈嚴，對流動比率要求提高，於是銀行喺戶口內既閑資便愈留愈多。
講返少少歷史，銀行今日喺金管局開設既戶口，喺港英年代，是在滙豐呢間半央行內開戶。
1988年金管局仲未成立，時任副金融司任志剛，引入新會計安排，要求各銀行在外滙基金管理局開戶口，包括滙豐亦要開，政府變身成為資金最大莊家，將呢個央行重要職能，由獅子行手上奪回，為1993年成立金管局舖路。
延伸閱讀：
港滙跌到7.85兩分鐘睇影響有幾多！
https://bit.ly/2J4n0IW
簡單而言，本港超過150間持牌銀行，每間都要喺金管局內，開設一個無利息收的往來戶口（形同支票戶口），該局化身「銀行既銀行」，做資金最後守門人。
每日各銀行之間，都有大量入數同出數需要，例如銀行A客戶向其借貸，還錢畀另一名喺銀行B開戶的生意對手；又或者銀行A同銀行B之間進行外滙買賣。當扣除哂呢啲應收或應付金額對好數後，各銀行戶口所剩餘的閑資，總和就是銀行體系總結餘。
咁點解金管局無息畀，銀行仲要預留千幾億元總和既閑資在戶口內？原因係為免交收風險，例如臨收市前有突變，要畀錢人但唔夠錢又借唔到，或埋錯數掙錢，其作用就等同一個人在支票戶口內，預留多少少錢，以防開票被彈一樣。
08雷曼風暴前，銀行體系總結餘約30至50億元已經好夠，但風暴後一則資金湧港水浸，再加上國際監管規則愈來愈嚴，對流動比率要求提高，於是銀行喺戶口內既閑資便愈留愈多。
講返少少歷史，銀行今日喺金管局開設既戶口，喺港英年代，是在滙豐呢間半央行內開戶。
1988年金管局仲未成立，時任副金融司任志剛，引入新會計安排，要求各銀行在外滙基金管理局開戶口，包括滙豐亦要開，政府變身成為資金最大莊家，將呢個央行重要職能，由獅子行手上奪回，為1993年成立金管局舖路。
延伸閱讀：
港滙跌到7.85兩分鐘睇影響有幾多！
https://bit.ly/2J4n0IW
回應 (0)
