學懂放鬆「血壓靚仔晒」

【蘋果日報】65歲的馮女士是其中一位接受新療法的病人，她5年前出現高血壓問題，「睇勻私家醫生，食埋藥都冇用，血壓都有180以上……喊晒問醫生我係咪冇得醫」。當時憂慮自己健康狀況的她不但食慾不振，更每晚失眠，長期情緒低落，「覺得個人好亂，唔識諗嘢」，做甚麼都提不起勁，連最喜歡的插花亦不想做，「當時買完啲花返屋企都冇心機插，由得啲花擺到變乾花」。
血壓高企與緊張有關
馮坦言當時並未留意自己出現早期抑鬱症狀，「朋友同家人都話我有啲問題，憔悴咗好多，但我當時都唔肯認」。
馮女士又形容自己如行屍走肉，「都唔知自己係想死定想生」。
直至公院醫生轉介她接受診治，才知道自己血壓長期高企與精神緊張有關。她後來接受8星期的行為激活及靜觀結合療法，其後數年也持續進行靜觀練習。
馮稱，雖然初時進行靜觀期間也會胡思亂想，但後來持續練習，懂得透過練習放鬆身體平靜思緒。
馮女士又指現時不但心境變開朗，困擾多年的健康問題也因而改善，「血壓都靚仔番晒，去返126至132水平，瞓覺都瞓得好好」。
■記者羅智堅
想輕輕鬆鬆健康啲，記住留意健康蘋台
http://health.appledaily.com.hk/