孖女令臉癱父重展笑容

【蘋果日報】由2013年死因庭裁定爸爸死於意外後，王冰蕓陷入一段人生低潮。也許是親父在上天眷顧，太太2014年誕下一對孿生女後，王冰蕓才慢慢走出低谷；那張當年因抵受不住沉重壓力而近乎半癱的臉，也慢慢懂得展開笑容。
討公道壓力大
「我平時好少講嘢，亦都好少笑；講起爸爸呢件事，我更加笑唔到」，王冰蕓說，為爸爸追尋公道的頭幾年，每逢放假就是看醫療紀錄、找詮釋、寫信件，情緒很差，難以入睡。「嗰時同好多機構往來，每次喺信箱拎到（機構的）信，嗰下個心就好緊張，又成晚瞓唔到、不斷諗」。
到兩女出生後，那種巨大的壓力慢慢變輕。他指雖然絕少跟太太討論爸爸的事，「不過佢好支持我，當時護管局聆訊，佢都陪住我聽，知道我好緊張」。兩女只有4歲大，王稱未向她們講述自己硬撼高牆的事，「但到佢哋大個咗，我一定會同佢哋講，同埋教佢哋乜叫公義、點樣爭取公義」。而醫生說面癱無法醫好，只能靠自我放鬆，「所以依家笑得多咗。」
■記者于健民