新聞類別
財經
詳情#
【蘋果日報】筆者一年前講過香港人正被溝淡，簡單嚟講，大陸透過單程證、雙非、「輸入內地人才計劃」、大學NDS（內地生）等途徑輸入內地人，成為新香港人。香港越來越多新移民，佢哋唔單止濫用公共資源、霸佔社會福利，更加可怕嘅係強國文化入侵，本地香港人下一代漸漸被內地同胞同化。
今時今日仲oppa？已經outdated。韓流唔經唔覺已經成為過去，內地流行文化取而代之。如果你問現時00後最鐘意邊個歌手？睇咩綜藝節目？講咩潮語？玩咩game？放假去邊到玩？答案全部同大陸有關。佢哋最鍾意聽薜之謙，睇「中國好xx」、「我是xx」，講「666」，玩《王者榮耀》、「吃雞」遊戲，北上亦都唔再係阿叔專利，00後放假都會上深圳吃喝玩樂。
只准崇洋媚日哈韓，不准了解國情？00後鍾意內地流行文化，冇對與錯，問題係講普通話、寫簡體字嘅年輕人亦越來越多。強國價值觀滲入，香港本土文化被破壞。香港正步廣東省後塵，可能不久嘅將來，香港講普通話嘅人會係大多數，廣東話被邊緣化，歷史悠久嘅繁體字亦少人識寫。
記得10年前，社會好熱衷討論香港人嘅身份認同問題，因為當時好多人仲唔知應該叫自己香港人定中國人，現時已經冇人提呢個詞。當初鄧小平畀香港人50年融入祖國算畀多咗，可能30年已經夠。
風吹知
今時今日仲oppa？已經outdated。韓流唔經唔覺已經成為過去，內地流行文化取而代之。如果你問現時00後最鐘意邊個歌手？睇咩綜藝節目？講咩潮語？玩咩game？放假去邊到玩？答案全部同大陸有關。佢哋最鍾意聽薜之謙，睇「中國好xx」、「我是xx」，講「666」，玩《王者榮耀》、「吃雞」遊戲，北上亦都唔再係阿叔專利，00後放假都會上深圳吃喝玩樂。
只准崇洋媚日哈韓，不准了解國情？00後鍾意內地流行文化，冇對與錯，問題係講普通話、寫簡體字嘅年輕人亦越來越多。強國價值觀滲入，香港本土文化被破壞。香港正步廣東省後塵，可能不久嘅將來，香港講普通話嘅人會係大多數，廣東話被邊緣化，歷史悠久嘅繁體字亦少人識寫。
記得10年前，社會好熱衷討論香港人嘅身份認同問題，因為當時好多人仲唔知應該叫自己香港人定中國人，現時已經冇人提呢個詞。當初鄧小平畀香港人50年融入祖國算畀多咗，可能30年已經夠。
風吹知
留言 (0)
