新聞類別
財經
詳情#
【蘋果日報】沽空數字龐大，是否代表後市看淡，青冰一直存疑，過去兩年最強大的例子，就是吉利（175）及恒大（3333），幾十億的沽空，最後被挾到爆廠，但越大市值的股份，越多衍生工具圍繞着，當中涉及的對沖或長短倉交易，不能單看沽空就睇得通，最近有報道話首季狂升的金蝶（268）令沽空者慘死，內裏可能另有原因。
按證監會每周公佈的累積沽空數據，在去年底，金蝶的累積沽空是1.97億股，佔總股本的6.8%，當時股價在4.40元，而截至3月29日的最新數字，沽空達3.64億股，增幅驚人，佔當時股本的12%，不過股價都升到8蚊了。就咁睇似乎有人累積大淡倉，想狙擊佢喎，再睇番金蝶剛公佈的業績，都算唔錯，當中雲業務更加大幅改善，甚有炒作概念，北水在今年已經買咗1.75億股，總持股13%，淡倉對北水，似乎係一場大戰，結果未可料，但原來睇真啲，沽空的來由可能是CB持有人。
金蝶在3月20日公佈，將會行使權利，將4年前發行的1.75億美元CB全部贖回，各位持有人可在4月11日前以3.90元兌換股份，股價在翌日應聲下跌，因為如果全部兌晒，將會是超過3.5億股，潛在沽壓極大。作為CB持有人，見到個股價升咗咁多，除了個別機構投資者因法規所限，不能兌成股份，正常人都會去兌啦，即賺4蚊，揸4年CB都冇呢個回報，對於佢哋嚟講，股價下挫會賺少咗，咁去沽空佢，鎖定回報，就是最正路的做法，到時換到正股，咪還貨畀人囉。
睇番今年的沽空，主要在1月中至3月中，上月中更試過單日有3,142萬股沽空，佔當時股本1%，非常誇張，但自贖回通告之後，本來未兌過的CB，即有1.2億股被兌換，補貨味濃，遲啲睇吓證監公佈的最新沽空數字，就睇到龐大沽空操作是否告一段落，之前借貨畀人的基金，人哋還貨之後係揸定沽，將左右短期走勢喇。
青冰
http://fb.com/chingbing888
本欄逢周四刊出
按證監會每周公佈的累積沽空數據，在去年底，金蝶的累積沽空是1.97億股，佔總股本的6.8%，當時股價在4.40元，而截至3月29日的最新數字，沽空達3.64億股，增幅驚人，佔當時股本的12%，不過股價都升到8蚊了。就咁睇似乎有人累積大淡倉，想狙擊佢喎，再睇番金蝶剛公佈的業績，都算唔錯，當中雲業務更加大幅改善，甚有炒作概念，北水在今年已經買咗1.75億股，總持股13%，淡倉對北水，似乎係一場大戰，結果未可料，但原來睇真啲，沽空的來由可能是CB持有人。
金蝶在3月20日公佈，將會行使權利，將4年前發行的1.75億美元CB全部贖回，各位持有人可在4月11日前以3.90元兌換股份，股價在翌日應聲下跌，因為如果全部兌晒，將會是超過3.5億股，潛在沽壓極大。作為CB持有人，見到個股價升咗咁多，除了個別機構投資者因法規所限，不能兌成股份，正常人都會去兌啦，即賺4蚊，揸4年CB都冇呢個回報，對於佢哋嚟講，股價下挫會賺少咗，咁去沽空佢，鎖定回報，就是最正路的做法，到時換到正股，咪還貨畀人囉。
睇番今年的沽空，主要在1月中至3月中，上月中更試過單日有3,142萬股沽空，佔當時股本1%，非常誇張，但自贖回通告之後，本來未兌過的CB，即有1.2億股被兌換，補貨味濃，遲啲睇吓證監公佈的最新沽空數字，就睇到龐大沽空操作是否告一段落，之前借貨畀人的基金，人哋還貨之後係揸定沽，將左右短期走勢喇。
青冰
http://fb.com/chingbing888
本欄逢周四刊出
回應 (0)
