純利兩年升倍半　聯豐謀上市

【蘋果日報】聯豐集團從事金屬零件製造業逾20年，過去主要是製造瑞士鐘錶的金屬零件，10年前轉而為智能手機提供精密金屬零件，令公司近年業績持續增長，收入由2014年的55億元，增至2016年的127億元；純利由2014年的14億元，增至2016年的36億元，增幅倍半。
聯豐的轉捩點在2008年，董事蘇健敏透露，當時一間全球暢銷的美國智能手機品牌，尋找一間可以製造精密金屬零件的供應商，經介紹去到聯豐內地廠房，「喺嗰個年代，佢哋高層嚟中國，唔係一件成日都會發生嘅事」。
轉攻手機精密零件
該智能手機品牌目前為聯豐最大客戶，佔總收入近九成，舊有鐘錶金屬零件業務的佔比降至不足5%。
蘇透露，為該手機品牌提供精密零件時，需以40倍至60倍的放大鏡檢查品質，他指出，「你試下用40倍放大自己手指公，世界會唔一樣」。
他表示，平時肉眼可能看不見分別，但一個品牌着重形象時，就會非常重視細節的完美，「40倍可能唔係街邊啲人可以分辨得到，但如果我哋唔咁樣管控，諗住20倍都睇唔到喇，咁15倍都可以」。
香港工業經營不易，蘇健敏稱：「其實20年前都講今年好難過，都講咗廿幾年。」他認為最重要是所從事的業務有前景，居安思危，因時代轉變去轉型升級。
被問到聯豐是否計劃上市，蘇健敏回應，幾年前已有考慮上市，有團隊研究，對上市抱開放態度。惟公司作為一間製造業公司，目前資源仍主要放在整理業務及提升生產效率上。
記者：彭崇強