古巨基開騷講太太

【蘋果日報】古巨基昨日在灣仔為5月11至14日，一連四場的巡唱香港站舉行記者會，門票將於今日公開發售。時隔7年再在港開騷，基仔透露到時會分享跟太太Lorraine的相處點滴，但太太就不會上台，他說：「佢一定唔肯，唔想佢個樣嚇親大家，但係我會講吓我哋平時相處嘅嘢。」


至於可擔心售票時又出現絕望座位表？他直言：「作為表演者其實對於售票情況都唔太了解，但我真係好希望歌迷們都可以用正價買到門票。」他又稱支持黃子華般寧願見到吉位，都不想觀眾買黃牛入場：「既然飛佢哋（黃牛黨）已經買咗，無人幫襯就唔會有供求，大家一齊攬炒咁樣先至可以杜絕。」而且基仔稱如技術上可行，會絕對支持實名制購票。


採訪：曹家誠

攝影：葉君海