許廷鏗約胡鴻鈞「找數」

【蘋果日報】許廷鏗昨日在銅鑼灣舉行音樂會，表演時即興邀請男性朋友上台首次合唱，令友人十分緊張，他受訪時指朋友經常在街頭唱歌，以為易如反掌，而自己曾快閃街頭表演，感到可以吸納更多歌迷：「唔同歲數嘅歌迷都要吸納，如果唱歌時有人肯停低聽，咁就賺咗個歌迷，令人會肯買飛入場睇我嘅演唱會。」他指就算幼稚園的小朋友，都想對方成為自己歌迷。


早前胡鴻鈞生日，對方刻意留一日與許廷鏗切蛋糕，對於之前二人曾約定同一日做網上直播，但遲遲未「找數」，許廷鏗說：「佢本身3月尾生日，但大家都唔得閒。之前本來約埋喺唔同地方夾埋一齊做live，但我入唔到，我哋會約埋搵日找數，好快㗎喇！」


採訪、攝影：王連連