新聞類別
財經
詳情#
【蘋果日報】早前日本手機遊戲《旅行青蛙》hit爆中港台，華華身邊唔少朋友得閒都會開吓隻game睇吓隻青蛙番咗嚟未，更加有報道指有意推出官方中文版，但一直只聞樓梯響。但阿里巴巴就宣佈，同日本廠商Hit-Point達成戰略合作，獲得官方授權喺中國地區獨家發行。
講真，隻game變化唔大，都係儲吓三葉草，買吓道具等名信片咁，好快就玩厭，我自己都無開好耐。而阿里巴巴微博出post：「旅行青蛙即將出發遊覽中國的大好河山，不來求個花式偶遇嗎？」唔少內地網友似乎都唔領情，回應「早就已經玩厭」、「已刪除」、「手信係唔係天貓購物券？」
其實《旅行青蛙》自舊年11月上市後，依家喺蘋果App Store中國總下載量已經超過3,000萬次，騰訊QQ喺二月更出現一款叫《旅行熊貓》的遊戲，同《旅行青蛙》極相似，但抄得太明顯，遊戲無幾耐就下架。山寨版都出完，如果今次玩法差唔多，好難再吸引到人玩喎！
李華華
LiWaWa@AppleDaily.com
講真，隻game變化唔大，都係儲吓三葉草，買吓道具等名信片咁，好快就玩厭，我自己都無開好耐。而阿里巴巴微博出post：「旅行青蛙即將出發遊覽中國的大好河山，不來求個花式偶遇嗎？」唔少內地網友似乎都唔領情，回應「早就已經玩厭」、「已刪除」、「手信係唔係天貓購物券？」
其實《旅行青蛙》自舊年11月上市後，依家喺蘋果App Store中國總下載量已經超過3,000萬次，騰訊QQ喺二月更出現一款叫《旅行熊貓》的遊戲，同《旅行青蛙》極相似，但抄得太明顯，遊戲無幾耐就下架。山寨版都出完，如果今次玩法差唔多，好難再吸引到人玩喎！
李華華
LiWaWa@AppleDaily.com
留言 (0)
