新聞類別
財經
詳情#
【蘋果日報】領展（823）最近轉親民路線！請得大人細路至愛嘅「鼎爺」李家鼎整咗輯《領展卧虎藏龍記》，邀請旗下商場商戶上陣「比武」，又爭刀神又爭記單英雄；仲有幾集仲請咗舖頭話事人出鏡，講吓如何從做小販做到入商場，又講講街坊人情味，似乎想「出口術」轉sell小店情懷。
查實呢輯片相當有心思，聲音畫面質素靚不特止，上得鏡嘅都係屋邨商戶表表者，絕唔係一街都見嘅連鎖店，主打屋邨商場街坊人情味，兼大晒各自奮鬥史，加上鼎爺每句對白都十分肉緊，驟眼一望真係有令人久違的舊香港味道。至於match唔match就請諸位看倌自行判斷。
而最重要係，呢輯片背後嘅精神，完全配合領展一貫以來嘅形象。唔好誤會，華華講嘅係「計數」精神，事關短短幾分鐘嘅片入面，就算點講街坊情懷都好，都總係可以hard sell到領展如何幫助小商戶發圍，例如「領展喺裝修上都配合咗我哋好多」、「領展翻新咗嘅場好乾淨、好光猛、好乾爽，又年輕化」。
其實講得咁好，點解領展唔整番個facebook專頁，同廣大市民分享一下呢？
李華華
LiWaWa@AppleDaily.com
查實呢輯片相當有心思，聲音畫面質素靚不特止，上得鏡嘅都係屋邨商戶表表者，絕唔係一街都見嘅連鎖店，主打屋邨商場街坊人情味，兼大晒各自奮鬥史，加上鼎爺每句對白都十分肉緊，驟眼一望真係有令人久違的舊香港味道。至於match唔match就請諸位看倌自行判斷。
而最重要係，呢輯片背後嘅精神，完全配合領展一貫以來嘅形象。唔好誤會，華華講嘅係「計數」精神，事關短短幾分鐘嘅片入面，就算點講街坊情懷都好，都總係可以hard sell到領展如何幫助小商戶發圍，例如「領展喺裝修上都配合咗我哋好多」、「領展翻新咗嘅場好乾淨、好光猛、好乾爽，又年輕化」。
其實講得咁好，點解領展唔整番個facebook專頁，同廣大市民分享一下呢？
李華華
LiWaWa@AppleDaily.com
留言 (0)
