青政：拒為入閘呃呃騙騙

【蘋果日報】青政梁頌恆受訪時坦言，本土派未來沒參選可能，若然要入閘參選或要「呃呃騙騙」或放低底線，做法不理想，他指選舉只是工具，「單單係選舉，唔會為香港帶來民主、獨立和自由」，呼籲「不要沉迷選舉，喺選舉以外搵可行方法去做」。
「講真話會被政府DQ」
梁稱，難見本土派在現有政治環境下可再度參選：「任何本土派想法嘅人（若參選）都唔可以講真話，因講真話（就算）贏到（泛民）初選，都唔可以入閘正式選舉。喺政府DQ呢把大刀下，本土派唔可以參選，要參選就要『呃呃騙騙』，又係唔係本土派想做嘅事呢？」他認為選舉只是本土派向港人宣傳主張工具，非真正目的，透露本土派在統獨立場上，「講得白啲，選舉根本唔可以達到本土派絕大部份目的」。
失去議會政治舞台會否令支持者流失？梁反問：「冇議席，本土派係咪唔會再存在呢？」他稱本土派本來就沒議席，本土派是一群在統獨立場、在抗爭者支援、在港中問題上對香港未來有不同想法的人，而以上問題均不能透過選舉解決，故本土派應另闢渠道。
■記者陳嘉裕