新聞類別
港聞
詳情#
【蘋果日報】2003年一場世紀疫症沙士，令299人失去性命，能從威斯爾醫院8A病房走出來的病人更是寥寥可數，57歲的謝耀揚牧師是當中的一個。謝經歷呼吸困難、神志迷糊、肚屙至抽筋，留醫深切治療部7日體重大跌24磅，以為從此與家人陰陽永隔，就連遺願都一一交代好，徘徊鬼門關19日終康復出院，「落床後第一次照鏡，我幾乎認唔出自己」。
曾向哥哥交代遺願
15年前，正值42歲盛年的謝耀揚由傳道人剛立為牧師，家有賢妻和一對4歲及10歲兒子，一切都順心遂願，怎料到醫院探訪血癌教友時不幸感染沙士，將他帶到鬼門關前。
謝難以忘記2003年3月13日，「因為嚴重感冒入聯合醫院，當時發高燒40℃，第二日確診沙士」。謝隨即被轉送到威院8A病房隔離；4日後，因嚴重氣喘送入深切治療部搶救，「死亡嘅來臨，真係好恐懼、好無助……因為我仲未預備好死亡」。眼見隔籬床的病友被打包送走的一刻，他感到絕望：「我心裏都好驚，下一個會唔會係我呢？」
當知道太太也受感染，謝牧師擔心若孩子失去雙親怎辦？遂向哥哥說出最後遺願：「如果我太太都唔得，唔好分開我兩個仔畀人撫養，希望畀一個人撫養。」想到一對可愛的兒子，他不想放棄，幸病情終好轉，「大房病友見到我個個拍爛手掌，有個劉姓醫生仲開心到幫我影相留念。」最難忘是行去沖涼房，20米距離花了20分鐘，「唞氣好辛苦，結果沖個涼用咗個半鐘，但嗰一日沖咗一個相當舒服嘅涼」。
慶幸太太病情比他輕，但同樣受隔離之苦。在一次照肺過程中，二人在病房外碰上，頓時感到恍如隔世，「好想拖我太太隻手，但啲醫護唔准，怕會交叉感染」，最令太太難忘的是，「病友屋企人帶嚟一個熱辣辣魚柳包，佢將個魚柳包分成三份畀我哋食，我覺得嗰個係一個最好食嘅魚柳包」。曾在航空公司做秘書的謝太，以前芝麻綠豆的事也很緊張，經歷生死關頭後，「原來冇嘢重要過同屋企人、同自己嘅孩子、同自己嘅爸爸媽媽嘅關係」。
■記者林 熊、麥超億
曾向哥哥交代遺願
15年前，正值42歲盛年的謝耀揚由傳道人剛立為牧師，家有賢妻和一對4歲及10歲兒子，一切都順心遂願，怎料到醫院探訪血癌教友時不幸感染沙士，將他帶到鬼門關前。
謝難以忘記2003年3月13日，「因為嚴重感冒入聯合醫院，當時發高燒40℃，第二日確診沙士」。謝隨即被轉送到威院8A病房隔離；4日後，因嚴重氣喘送入深切治療部搶救，「死亡嘅來臨，真係好恐懼、好無助……因為我仲未預備好死亡」。眼見隔籬床的病友被打包送走的一刻，他感到絕望：「我心裏都好驚，下一個會唔會係我呢？」
當知道太太也受感染，謝牧師擔心若孩子失去雙親怎辦？遂向哥哥說出最後遺願：「如果我太太都唔得，唔好分開我兩個仔畀人撫養，希望畀一個人撫養。」想到一對可愛的兒子，他不想放棄，幸病情終好轉，「大房病友見到我個個拍爛手掌，有個劉姓醫生仲開心到幫我影相留念。」最難忘是行去沖涼房，20米距離花了20分鐘，「唞氣好辛苦，結果沖個涼用咗個半鐘，但嗰一日沖咗一個相當舒服嘅涼」。
慶幸太太病情比他輕，但同樣受隔離之苦。在一次照肺過程中，二人在病房外碰上，頓時感到恍如隔世，「好想拖我太太隻手，但啲醫護唔准，怕會交叉感染」，最令太太難忘的是，「病友屋企人帶嚟一個熱辣辣魚柳包，佢將個魚柳包分成三份畀我哋食，我覺得嗰個係一個最好食嘅魚柳包」。曾在航空公司做秘書的謝太，以前芝麻綠豆的事也很緊張，經歷生死關頭後，「原來冇嘢重要過同屋企人、同自己嘅孩子、同自己嘅爸爸媽媽嘅關係」。
■記者林 熊、麥超億
留言 (0)
