新聞類別
財經
詳情#
【蘋果日報】貿易戰陰霾揮之不去，但你有冇諗過同賭股都有關？澳門賭牌將於2020年及2022年分批到期，特首崔世安在去年的施政報告提到，賭牌到期後要重新競投，明顯有違業界期望的自動續牌。現時賭牌有三正三副，銀娛（027）、澳博（880）及永利（1128）持有正牌，並批出副牌予金沙中國（1928）、美高梅中國（2282）及新濠（200）旗下的新濠博亞。
銀娛及澳博，有純正中國血統；新濠博亞去年亦買入澳洲皇冠集團持有的股份，認祖歸宗；美高梅中國主席雖是何超瓊，但美國美高梅集團是持有56%的股權；永利及金沙，美國母公司都持有逾7成股權。換言之，六個牌有三個都屬美資，作為一嚿肥豬肉，點講都唔通，更何況現時打緊貿易戰。
崔世安冇詳細講重新競投的詳情，但要求企業開拓非博彩業務，協助澳門發展為多元化的旅遊中心。有去過澳門都知，銀河、金沙及新濠，在非博彩業務上，已經下了唔少功夫，當中尤以銀河最落本，已有適合一家大小的百老匯渡假城，下年落成的第三期，更有會議展覽場地，真係跟足國家政策。佢哋上星期忽然買入在美國上市的永利渡假村5%，意義可能更深遠。
史提夫永利因性醜聞，上月辭去主席一職，並在上星期悉售手上股份予兩個基金，最令人意外的是，永利渡假村發行5%新股予銀娛。按現時賭牌的規定，持有賭牌的企業，不得持另一賭牌企業的5%的股權，由於永利渡假村持有永利澳門72%股權，咁銀娛都係間接揸3.6%箒。既然知道冇得增持太多，又買嚟做咩呢？或者換個角度諗，有牌唔買得，但買個資產就得喎，例如在路氹的永利皇宮。
在業務上，銀娛在中場業務做得最好，永利就以貴賓業務為主要收入，互補長短便成最強的聯盟。重新投賭牌有太多未知數，但幾可肯定美資會處於劣勢。永利在美國有官司纏身，仲要冇財力在澳門加強非博彩業務去爭賭牌，但賣些資產派些特別息救母公司，亦屬合情合理。再者，同銀娛合作，溝啲中國血統，或有助留低都未定呢。
青冰
http://fb.com/chingbing888
本欄逢周四刊出
銀娛及澳博，有純正中國血統；新濠博亞去年亦買入澳洲皇冠集團持有的股份，認祖歸宗；美高梅中國主席雖是何超瓊，但美國美高梅集團是持有56%的股權；永利及金沙，美國母公司都持有逾7成股權。換言之，六個牌有三個都屬美資，作為一嚿肥豬肉，點講都唔通，更何況現時打緊貿易戰。
崔世安冇詳細講重新競投的詳情，但要求企業開拓非博彩業務，協助澳門發展為多元化的旅遊中心。有去過澳門都知，銀河、金沙及新濠，在非博彩業務上，已經下了唔少功夫，當中尤以銀河最落本，已有適合一家大小的百老匯渡假城，下年落成的第三期，更有會議展覽場地，真係跟足國家政策。佢哋上星期忽然買入在美國上市的永利渡假村5%，意義可能更深遠。
史提夫永利因性醜聞，上月辭去主席一職，並在上星期悉售手上股份予兩個基金，最令人意外的是，永利渡假村發行5%新股予銀娛。按現時賭牌的規定，持有賭牌的企業，不得持另一賭牌企業的5%的股權，由於永利渡假村持有永利澳門72%股權，咁銀娛都係間接揸3.6%箒。既然知道冇得增持太多，又買嚟做咩呢？或者換個角度諗，有牌唔買得，但買個資產就得喎，例如在路氹的永利皇宮。
在業務上，銀娛在中場業務做得最好，永利就以貴賓業務為主要收入，互補長短便成最強的聯盟。重新投賭牌有太多未知數，但幾可肯定美資會處於劣勢。永利在美國有官司纏身，仲要冇財力在澳門加強非博彩業務去爭賭牌，但賣些資產派些特別息救母公司，亦屬合情合理。再者，同銀娛合作，溝啲中國血統，或有助留低都未定呢。
青冰
http://fb.com/chingbing888
本欄逢周四刊出
留言 (0)
