周家怡慨嘆：好可惜

【蘋果日報】港視確認不會繼續免費電視牌申請消息傳出後，曾經在港視拍劇的藝人都覺得可惜。拍攝港視劇集《導火新聞線》而為人熟識的周家怡，指王維基是好老闆，「當初佢真係好出心出力去做，點可以改善台前幕後佢都想做到最好，你見佢開始起步做改革，都叫開始做到呢件事。但突然咁樣……放棄覺得好可惜」。


港版半澤：係HKTV喚醒我

「港版半澤」陸駿光坦言：「知道呢件事之後，都有少少可惜，亦都有啲感觸，當日係HKTV叫醒咗我，話畀我聽原來我都可以有機會嘅。」有份參演《選戰》的王宗堯稱：「其實係可惜，因為佢之前一路咁雄心壯志去發展，好希望香港多一個人係可以喺呢行上面做，等大家多啲機會，尤其佢之前拍嘅劇都幾優質，只不過，件事都擾攘咗好耐，唔知佢剩係放棄大氣電波定係佢作所有關於製作業務。我諗佢搞HKTVmall，成績都唔錯，都祝福佢。」


■記者周鳳儀、黃潔雯