中環在線：梁繼昌「成功爭取」小加上立會

【蘋果日報】

港交所（388）推同股不同權嘅諮詢上周完咗，噚日幾位議員開記招，講吓有乜投資者保障可以加落去。


會計界立法會議員梁繼昌搶先預告，雖然修改上市規則，唔需要立法會批准，但經佢「多番邀請」，「成功爭取」港交所行政總裁李小加下周二出席財經事務委員會會議，同證監會行政總裁歐達禮同場，用個半鐘同大家解釋諮詢文件內容，順手解答埋議員提問。


印象中，小加甚少出席立法會會議，港交所公關就話，小加上過立法會㗎喇，又話今次係「爽快應承」㗎。


講番公民黨份諮詢回應，佢哋提議同股不同權嘅公司，要撥一部份盈利整個訴訟基金，類似消委會嘅消費者訴訟基金，畀班合資格股東用嚟集體訴訟，又建議呢類公司做併購需要全體獨董通過。即管睇吓佢哋嘅建議能否「成功爭取」支持喇。


李華華

李華華

LiWaWa@AppleDaily.com