新聞類別
財經
詳情#
【蘋果日報】
近期唔少大行高層賓架，被對手或非銀行企業挖角跳糟，睇嚟市場環境確係唔錯。華華上周提過，喺恒生（011）任職超過廿年嘅環球銀行業務總監徐振文（Thomas），已經開始離職前休假，原來佢老哥下個月20號，就會落戶東亞銀行（023），擔任總經理兼企業銀行主管，接替即將退休嘅原主管李玉梅（Winnie）。
Thomas以後將會為寶哥哥銀號，同埋東亞股東效力嘞，據聞佢喺東亞新職務，除咗繼續睇佢一貫熟悉嘅大企客戶、藍籌公司及機構外，以後所有中小企客都係佢管理範疇，即係整體企銀業務睇晒；對未夠57歲嘅Thomas來說，呢次決定相信都係職場生涯一項新挑戰。
講番東亞，過去多數由內部培育自己人才晉升高管職位，今次向恒生挖角，邀徐振文加盟主管企銀，都算罕見。明年初舉行百年行慶嘅東亞，莫非真係想加速革新？
李華華
李華華
LiWaWa@AppleDaily.com
近期唔少大行高層賓架，被對手或非銀行企業挖角跳糟，睇嚟市場環境確係唔錯。華華上周提過，喺恒生（011）任職超過廿年嘅環球銀行業務總監徐振文（Thomas），已經開始離職前休假，原來佢老哥下個月20號，就會落戶東亞銀行（023），擔任總經理兼企業銀行主管，接替即將退休嘅原主管李玉梅（Winnie）。
Thomas以後將會為寶哥哥銀號，同埋東亞股東效力嘞，據聞佢喺東亞新職務，除咗繼續睇佢一貫熟悉嘅大企客戶、藍籌公司及機構外，以後所有中小企客都係佢管理範疇，即係整體企銀業務睇晒；對未夠57歲嘅Thomas來說，呢次決定相信都係職場生涯一項新挑戰。
講番東亞，過去多數由內部培育自己人才晉升高管職位，今次向恒生挖角，邀徐振文加盟主管企銀，都算罕見。明年初舉行百年行慶嘅東亞，莫非真係想加速革新？
李華華
李華華
LiWaWa@AppleDaily.com
留言 (0)
