「玩具鄭」一個月速賺1,520萬

【蘋果日報】沙士一度令樓市跌入深谷，不過有一班勇者入市趁低吸納，發沙士財。其中資深投資者「玩具鄭」鄭躬洪（圖）就指當時入市，其實自己都沒太大信心，「冇乜信心反彈，但嗰陣時候反正有閒錢，咁就博一博，(買樓就算蝕都唔肉赤？)係啦，嗰個價位咁低的時候，我都幾十歲人啦，1987年又好1997年又好，中潮或者最低潮買入，差極有限。」


他補充道，「嗰陣時平呀嘛，好似買股票咁，當然大跌市嗰時，博一博！當然有風險，任何投資都有風險，點知佢（樓市）會唔會再低，但嗰陣時衰得咁交關，估計都唔會再低啩。」


「香港買磚頭好少人輸」

事實上，雖然鄭抱住博一博的心態，但他指「每個交易都是經過心思熟慮，不過個市係好Hit好旺，好似2007年嗰時，升得好快好急，就當然無乜時間考慮咁多，個價差唔多就買。」


他認為，「香港買磚頭好少人輸，最多贏多贏少箒，如果有持貨能力，長揸的話幾時都唔會輸。」對於現時樓市，他直言，現時樓市處於高位，入市要好小心，並補充「住宅就真係好貴，無乜好投資。」


鄭躬洪透露自己於沙士肆虐期間，只購入幾間港島區物業，災情完後才有心情入市。翻查資料，鄭躬洪於2003年9月1,980萬元購入舂坎角物業，購入不足一個月以3,500萬元沽出，速賺1,520萬元。


■記者葉煜燊