商界：社會撕裂氣氛趨緩和

【蘋果日報】「佢可能唔係最好嘅人，但我覺得佢係最適合嘅人。」去年特首選舉，香港經貿商會會長兼工業界（二）選委的李秀恆，出任林鄭月娥競選辦主席團成員，也有份提名對方出選特首。他認為林鄭當選後，社會撕裂的氣氛漸趨緩和，但執政成效仍拭目以待，「如果出唔到一啲好政策，亦落實唔到，人哋都會背棄佢，覺得佢做唔到嘢」。


如無政績「人哋會背棄」

林鄭多年的公務員經驗是李投票給她的原因之一。當選特首一年，他認為林鄭較從前老練成熟，「初初選舉時係有啲甩漏，但覺得佢各方面好有進步，可以叫四個字：不卑不亢」。林鄭施政親力親為也沒令他失望，不懂就虛心學習，如善用網上平台等，「包括以前唔識用八達通，咁佢依家都識用啦」。李秀恆不是一味唱好，「施政報告我係收貨，但點樣具體執行、落實？係有啲緩慢，有好多嘢出嚟，但未落實」。上月公佈的財政預算案，他也質疑「點解要鼓勵人去海洋公園呢？」亦認為政府應向全民派錢，「派少少畀市民都唔係壞事」。


林鄭月娥當選後稱首要團結社會，改善行政立法關係。「上一任特首（梁振英）走到邊都俾人圍攻，無論講嘅嘢啱定錯，去到邊都被拆台，係唔理性嘅政治局面，對人不對事。」李認為，這一年社會氣氛回歸務實，最近3.11補選可見，民主派和建制派在選舉中得票率由以往六四比，拉近至五五比，「社會氣氛係緩和咗」。


他認為林鄭上任後，需面對的不是民主派，「係面對自己團隊」。現時政府架構過於臃腫，「太過墨守成規，阻慢咗經濟發展」，需改革公務員「唔做唔錯」的心態。李對林鄭上任後的整體表現給80分，「比我想像中好」，但未來需視乎她執政成效。


■記者王家文